Roma 15:1 - Tennet

¹ Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

Roma 15:1 ပူးပေါင်းရင်းမြစ်များ

Roma 14:1

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

Roma 14:2

Anyak ol u̱gge̱ cik a̱tu̱we̱ aanyik tu̱we̱ne̱t cinne̱ng kadait kaal do̱o̱k, imma ol uggak wak anyak tu̱we̱ne̱t ci dici, adak zin nege jati do̱.

Roma 4:20

Iróng zin Aburahami i̱no̱n icima ebezbezan zoz bali u̱du̱wa̱ Manyi ke̱. Aanyik tu̱we̱ne̱t cinne nonno kokkom kak, aanyik zany Ta̱mu̱ta̱dde̱n.

1 Ko̱ri̱nto̱ 4:10

Kogon naga ki i̱yo̱ko̱ ol wak tarbalik ko̱ zo̱ze̱ ci obod ki Ki̱ri̱sto̱! Ma̱i̱je̱ niga egenyyu zo̱ze̱ ci Ki̱ri̱sto̱. Kamujna naga, ma̱i̱je̱ niga okkomnu kak. O̱ngo̱o̱li̱nnu̱ng ol, imma ol ibbezeta!

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

Evesos 6:10

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Vilipia 2:4

U̱zu̱tte̱ nogo ki ming azunnu niga e̱le̱tti̱ cuggo̱k ko̱.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

2 Ti̱mo̱te̱yo̱ 2:1

I̱nna̱, Ti̱mo̱te̱yo̱ wa e̱e̱ni̱ ngeranni tu̱we̱nta̱, nyak komiz eezete ci aave ngati Ye̱su̱ Ki̱ri̱sto̱,

1 Jon 2:14

Niga be̱e̱ti̱ga̱ni̱k, keherakkung anna i̱ge̱t zoz cu, eci niga a̱gga̱yyu̱ aave enne kanante ci lo̱o̱tu̱. Keherakkung zin anna i̱ge̱ta̱ bo̱do̱k logoz zoz cu, eci okkomnu niga, kar zoz ci Ta̱mu̱ta̱dde̱no̱ kabak ngatinno̱ng, kar bo̱do̱k niga ommogtu lo̱rye̱ni̱t.