Roma 14:8 - Tennet

⁸ Ming karuge, karuge naga zo̱ze̱ Manyi; ming ka̱da̱i̱ naga, ka̱da̱i̱ naga zo̱ze̱ ci Manyi. I̱yo̱ko̱ zin, ming karuge, icima ka̱da̱i̱, ke̱e̱ggi̱n naga olli Manyi.

Roma 14:8 ပူးပေါင်းရင်းမြစ်များ

Lu̱ka̱ 20:38

Iróng enne een Ta̱mu̱ta̱dde̱n ci ol cik a̱da̱i̱to̱, abarik een Ta̱mu̱ta̱dde̱n ci ol cik aruge, eci zo̱ze̱ cinne aruge ol do̱o̱k.”

Kaviyak wak Abunna Ta̱mu̱ta̱dde̱no̱ eher Joni 21:19

U̱du̱wa̱ Ye̱su̱ zoz necu abunna i̱ye̱la̱ daiz ci Peturu ming a̱di̱ngdi̱nga̱n Ta̱mu̱ta̱dde̱n. Kar zin kizek nonno ne, “Nuwan!”

Buk wa To̱ni̱a̱u̱ 13:36

“U̱tu̱gu̱ Da̱vi̱de̱ li̱ngli̱ngo̱n ci Ta̱mu̱ta̱dde̱no̱ baling ngen enne aruge ke̱, baling okko enne a̱da̱i̱, a̱da̱ye̱k ol nonno ki bali ming a̱da̱ ol ji̱ji̱ti̱gi̱nne̱k ke̱, kar zin enne ka̱da̱k ku̱mu̱ iloma.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Vilipia 2:30

Eci ize ojon kar enne ka̱da̱k li̱ngli̱ngo̱nte̱ ci zoz ci Ki̱ri̱sto̱, kar bo̱do̱k ku̱ju̱ke̱k ele cinne tu̱ ngati a̱li̱ngli̱nge̱ka̱ enne annita li̱ngli̱ngo̱n ci iróng niga wo̱ye̱ u̱u̱lu̱.

1 Te̱se̱lo̱ni̱ka̱ 5:10

A̱da̱i̱ Ye̱su̱ zo̱ze̱ cinna kar kuruget ki nonno, ming karuge icima ka̱da̱i̱, karuge atin kar kabait bu̱k ming okko Ye̱su̱ oboda.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”