Roma 14:5 - Tennet

⁵ Azi gon ol uggak ne, riil i̱i̱te̱ni̱ imma kommog i̱i̱te̱n co̱de̱ ke̱. Ovvo ol uggak azi ne, atubo i̱i̱te̱ni̱ do̱o̱k. Abarik abunna e̱e̱ti̱ ming a̱gga̱ zoz necu zinine cinne ju̱rru̱m, i̱i̱te̱n jang ci riili, icima jang ci labak.

Roma 14:5 ပူးပေါင်းရင်းမြစ်များ

Lu̱ka̱ 1:1

Eteherit ol cik meelek nga̱ri̱de̱t cik obod ki kaal balik u̱tu̱gu̱zze̱ orgene cinna,

Roma 14:14

Ka̱gga̱ anna ju̱rru̱m, eci ka̱vvu̱ta̱ ki Manyi Ye̱su̱, i̱llo̱i̱ da̱i̱ne̱t cik ngoronyik, nege do̱ e̱le̱tti̱ne̱. Ma̱i̱je̱ ming ize e̱e̱ti̱ ne, ngoronye da̱i̱ne̱t ne̱ko̱, ngoronye zin de̱de̱ ngatinne.

Roma 14:23

Imma e̱e̱ti̱ ci a̱ti̱ko̱ ki zinin kaale cik adak enne, edez atin Ta̱mu̱ta̱dde̱n nonno, eci enne adakce ci iróng a̱tu̱ Ta̱mu̱ta̱dde̱n, eci kaala cik ogon e̱e̱ti̱ ongorko ki tu̱we̱ne̱t cinne, anyaha mu̱nye̱n.

Roma 4:21

A̱gga̱ enne anyak Ta̱mu̱ta̱dde̱n komiz kar ku̱tu̱gu̱ kaal balik u̱du̱wa̱ enne ke̱.

1 Ko̱ri̱nto̱ 8:11

Baling okko adak da̱i̱ne̱t wak i̱no̱n enne gerzek ko̱ zo̱ze̱ ci acinni enne i̱nne̱ta̱, egerzannu zin i̱nna̱ nonno. Iróng zin abunna ming okolozi gotonnu bali a̱da̱i̱ Ye̱su̱ Ki̱ri̱sto̱ zo̱ze̱ cinne ko̱.

1 Ko̱ri̱nto̱ 8:7

Ma̱i̱je̱ i̱yo̱ko̱, iróng ol do̱o̱k a̱gga̱ zoz necu. Ngen ol uggak irez to̱do̱yyo̱k wak adimanai azzine kize ta̱mu̱ta̱dde̱ne̱t cigge̱k, ming ovvo adak da̱i̱ne̱t cigge̱k, i̱no̱n nege apahek ta̱mu̱ta̱dde̱ne̱t cik aruge. A̱gga̱ zi̱nze̱tti̱nne̱ cigge̱k abaccit nege, eci ngen i̱no̱ni̱ cinne̱ng iróng okkomi.