Roma 14:4 - Tennet

⁴ E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.

Roma 14:4 ပူးပေါင်းရင်းမြစ်များ

Buk wa To̱ni̱a̱u̱ 11:17

Ming aanyik Ta̱mu̱ta̱dde̱n nogo muci necu ele ki i̱yo̱ko̱ naga wak ka̱tu̱ zoz ci Manyi Ye̱su̱ ko̱, ke̱e̱ni̱ anna ngene kar kutubur Ta̱mu̱ta̱dde̱n ko̱?”

Roma 11:23

Baling ovvo olli Ya̱u̱do̱ oboda a̱tu̱ Ye̱su̱ bo̱do̱k, anyak Ta̱mu̱ta̱dde̱n komiz ci anyike nogo kizeto boor cinne.

Roma 14:3

Imma e̱e̱ti̱ ci adak kaal do̱o̱k, gerza ming ibbez enne ol wak iróng adak kaal u̱gge̱ ko̱. Imma e̱e̱ti̱ ci abure kaal u̱gge̱ ko̱, gerza ming apahek enne gerziten ol wak adak kaal do̱o̱k ko̱, eci Ta̱mu̱ta̱dde̱n elema nogo do̱o̱k.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

Roma 9:20

Gotonogga ki ngonogga tu̱we̱nta̱, ka̱jji̱nnu̱ng, “Ngene ngatinno̱ng wo̱ye̱ ci a̱cu̱b Ta̱mu̱ta̱dde̱n zo̱ze̱ necu? A̱jji̱n wo̱ye̱ todowaci e̱e̱t ci adiman i̱jjo̱? Azi ne, ‘Nya ming adimana i̱nna̱ ki i̱yo̱ko̱ ko̱?’”

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.