Roma 14:22 - Tennet

²² Ming anyai i̱nna̱ kaal cik a̱tu̱ i̱nna̱, anyike kaal cigunnek ki Ta̱mu̱ta̱dde̱n. U̱mu̱yu̱k Ta̱mu̱ta̱dde̱n e̱e̱t ci ogon gi̱i̱ ci a̱gga̱ enne een gi̱i̱ ci abunna.

Roma 14:22 ပူးပေါင်းရင်းမြစ်များ

Buk wa To̱ni̱a̱u̱ 24:16

Kar zin zo̱ze̱ necu odohize korongi kanyik zinin cinanni kubunna ngu̱me̱ ci Ta̱mu̱ta̱dde̱no̱ ki bo̱do̱k ngati ol cik diirik.

Roma 14:14

Ka̱gga̱ anna ju̱rru̱m, eci ka̱vvu̱ta̱ ki Manyi Ye̱su̱, i̱llo̱i̱ da̱i̱ne̱t cik ngoronyik, nege do̱ e̱le̱tti̱ne̱. Ma̱i̱je̱ ming ize e̱e̱ti̱ ne, ngoronye da̱i̱ne̱t ne̱ko̱, ngoronye zin de̱de̱ ngatinne.

Roma 14:2

Anyak ol u̱gge̱ cik a̱tu̱we̱ aanyik tu̱we̱ne̱t cinne̱ng kadait kaal do̱o̱k, imma ol uggak wak anyak tu̱we̱ne̱t ci dici, adak zin nege jati do̱.

Roma 14:23

Imma e̱e̱ti̱ ci a̱ti̱ko̱ ki zinin kaale cik adak enne, edez atin Ta̱mu̱ta̱dde̱n nonno, eci enne adakce ci iróng a̱tu̱ Ta̱mu̱ta̱dde̱n, eci kaala cik ogon e̱e̱ti̱ ongorko ki tu̱we̱ne̱t cinne, anyaha mu̱nye̱n.

Roma 14:5

Azi gon ol uggak ne, riil i̱i̱te̱ni̱ imma kommog i̱i̱te̱n co̱de̱ ke̱. Ovvo ol uggak azi ne, atubo i̱i̱te̱ni̱ do̱o̱k. Abarik abunna e̱e̱ti̱ ming a̱gga̱ zoz necu zinine cinne ju̱rru̱m, i̱i̱te̱n jang ci riili, icima jang ci labak.

Roma 2:1

I̱yo̱ko̱ zin, iróng i̱nna̱ anyai gool ci a̱vi̱re̱, i̱nna̱ e̱e̱ti̱ ci ettedik e̱e̱t imma lo̱ki̱ko̱ ko̱, eci go̱o̱le̱ ci ettede i̱nna̱ lo̱ki̱ko̱ ko̱, edezi i̱nna̱ ele cunne, eci i̱nna̱ ogoni kaal ne̱ke̱ ele.

Roma 7:15

De̱de̱, iróng anna ka̱gga̱ gi̱i̱ ci kogonni. Eci gi̱i̱ wa korongi anna ku̱tu̱gu̱ ko̱, ngen abarik ku̱tu̱gu̱, abarik ku̱tu̱gu̱ gi̱i̱ ci abure zinin cinanni oroot.

Roma 7:24

Kiize anna e̱e̱t ci kamati! Ngene wo̱ye̱ ci eelanna daiza?

1 Ko̱ri̱nto̱ 8:7

Ma̱i̱je̱ i̱yo̱ko̱, iróng ol do̱o̱k a̱gga̱ zoz necu. Ngen ol uggak irez to̱do̱yyo̱k wak adimanai azzine kize ta̱mu̱ta̱dde̱ne̱t cigge̱k, ming ovvo adak da̱i̱ne̱t cigge̱k, i̱no̱n nege apahek ta̱mu̱ta̱dde̱ne̱t cik aruge. A̱gga̱ zi̱nze̱tti̱nne̱ cigge̱k abaccit nege, eci ngen i̱no̱ni̱ cinne̱ng iróng okkomi.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Je̱mi̱s 3:13

Ming anyak e̱e̱ti̱ imma genyiz kar ka̱gga̱ zoz orgene cunno̱ng, anyik nonno ki̱ye̱la̱ baize cinne abunna ko̱, go̱o̱le̱ ci ogone enne kaal zinine ci alali a̱kku̱ genyiza.

1 Jon 3:21

Gonogga wak zinino, ming iróng zi̱nze̱tti̱ cigga̱c anganyet mu̱nye̱ne̱, kanyak naga doiz ci kojongoze Ta̱mu̱ta̱dde̱n,