Roma 14:2 - Tennet

² Anyak ol u̱gge̱ cik a̱tu̱we̱ aanyik tu̱we̱ne̱t cinne̱ng kadait kaal do̱o̱k, imma ol uggak wak anyak tu̱we̱ne̱t ci dici, adak zin nege jati do̱.

Roma 14:2 ပူးပေါင်းရင်းမြစ်များ

Kananet 1:29

Izek bo̱do̱k Ta̱mu̱ta̱dde̱n nogo ne, “Ka̱a̱nyu̱ng keen cik anyak bu̱ra̱ ki i̱nyo̱mo̱ cik atin adakku.

Kananet 9:3

Ka̱a̱nyu̱ng kaal cik aruge ko̱ do̱o̱k kizeto da̱i̱ne̱t cuggo̱k. Ki baling ka̱a̱nyu̱ng keen ki kaal do̱o̱k ke̱.

Roma 14:1

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

Roma 14:14

Ka̱gga̱ anna ju̱rru̱m, eci ka̱vvu̱ta̱ ki Manyi Ye̱su̱, i̱llo̱i̱ da̱i̱ne̱t cik ngoronyik, nege do̱ e̱le̱tti̱ne̱. Ma̱i̱je̱ ming ize e̱e̱ti̱ ne, ngoronye da̱i̱ne̱t ne̱ko̱, ngoronye zin de̱de̱ ngatinne.

Roma 14:20

Ma egerzannu zoz ci Ta̱mu̱ta̱dde̱no̱ zo̱ze̱ ci da̱i̱nto̱. Abunna da̱i̱ne̱t do̱o̱k ngu̱me̱ ci Ta̱mu̱ta̱dde̱no̱, gerza zin ming adak e̱e̱ti̱ da̱i̱ne̱t cik anyike gotonogget ki ngonogget tu̱we̱nta̱ kurubta no̱ngi̱tto̱n.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

1 Ko̱ri̱nto̱ 10:25

Ming adakku niga i̱di̱ng ci atalannu cuwa, adait labak ki̱zzi̱ ji̱ne̱ne̱t zo̱ze̱ ci obod ki ngo̱li̱ne̱t ci da̱i̱ne̱t cik atuvek wo̱ye̱ ol ta̱mu̱ta̱dde̱ne̱t wak adimanai azzine.

1 Ko̱ri̱nto̱ 8:9

Abunna zin ming egenyyu, u̱tu̱gu̱z kaal cik acinnu niga abunna ngatinno̱ng go̱o̱le̱ ci iróng anyike ol cik amuje o̱o̱tti̱ ku̱tu̱gu̱zzo̱ mu̱nye̱n.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

Ga̱la̱ti̱a̱ 2:12

Icu gi̱i̱ ci ogon enne, baling arawa enne arrak ke̱, adakce labak ki ol wak iróng een Ya̱u̱d wak a̱tu̱ zoz ci Ta̱mu̱ta̱dde̱no̱. Ma̱i̱je̱ baling ovvo gonoggi Je̱mi̱s wak een Ya̱u̱d a̱vvu̱ vu̱rrta̱, utubur Peturu iróng ngen adakce ki ol wak iróng een Ya̱u̱d, o̱ngo̱o̱le̱ zoz ci olli Ya̱u̱do̱ wa azi ne, anyik ol do̱o̱k kettedit vi̱ca̱vi̱cce̱t arrak oowa, kar ku̱tu̱we̱t Ta̱mu̱ta̱dde̱n.

1 Ti̱mo̱te̱yo̱ 4:4

Abunna da̱i̱ne̱t cik adimana Ta̱mu̱ta̱dde̱n do̱o̱k, i̱llo̱i̱ gi̱i̱ ci gerze, ming kadak da̱i̱ne̱t ngati arrak kalayye Ta̱mu̱ta̱dde̱n kar zin kaanycik zany, i̱llo̱i̱ kaal cik kabure.

Ti̱to̱ 1:15

Caalette kaala do̱o̱k paz ngati ol wak anyak zi̱nze̱tti̱ cik voorik. Ma̱i̱je̱ ol wak gerzek baizi, iróng bo̱do̱k a̱tu̱we̱, a̱zze̱ gi̱i̱ imma ci caale to, eci zi̱nze̱tti̱ cigge̱k ki o̱o̱tti̱ do̱o̱k u̱la̱ltte̱.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.