Roma 14:18 - Tennet

¹⁸ Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Roma 14:18 ပူးပေါင်းရင်းမြစ်များ

Kananet 4:7

Ma wo̱ye̱ ette ming tu̱gu̱ gi̱i̱ ci abunna, atali wo̱ye̱ ette i̱nna̱ bu̱k zee tararu. Ming iróng i̱nna̱ ogoni gi̱i̱ ci abunna, abile mu̱nye̱na̱ tatuge cunne; orong kiditain, abarik abunna ming iróng i̱nna̱ anyike gool.”

Marko 13:34

Atubo zoz necu ki e̱e̱t ci eroni: Ungnek enne kaal ce̱e̱z cinne kar kaanyik du̱cca̱k u̱gge̱ kebeit, ngen ngene ki li̱ngli̱ngo̱n cinne, kar ku̱du̱wa̱k e̱e̱t ci aave arana ko̱ kere manyi ce̱e̱z.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Buk wa To̱ni̱a̱u̱ 10:35

abarik elemna ol wak o̱ngo̱o̱le̱ nonno kar ku̱tu̱gu̱zzo̱ kaal cik abunna lo̱o̱co̱we̱ do̱o̱k.

Roma 12:11

Ma abilizzu gool ci irezzu niga Ta̱mu̱ta̱dde̱n, kar i̱li̱ngli̱nge̱t zoz ci Manyi oroot.

Roma 14:4

E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 6:22

I̱yo̱ko̱ zin, aara Ta̱mu̱ta̱dde̱n mu̱nye̱n ciggo̱k, abaktu labak, izetu niga du̱cca̱k cik Ta̱mu̱ta̱dde̱no̱. A̱a̱nyu̱ng zin zoz necu izet ol cik a̱li̱le̱ kar bo̱do̱k kuyung baize ci aave udut.

1 Ko̱ri̱nto̱ 7:22

Eci e̱e̱ti̱ bali awu Manyi baling ngen enne een du̱ca̱i̱t ko̱, ize e̱e̱t ci abak labak i̱llo̱i̱ mu̱nye̱n; ogon bo̱do̱k niko, okko e̱e̱ti̱ ci iróng een du̱ca̱i̱t ko̱ baling awu Manyi nonno, ize enne du̱ca̱i̱t ci Ki̱ri̱sto̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ko̱ri̱nto̱ 5:11

Ki i̱yo̱ko̱ ming ka̱gga̱ naga zoz ci ko̱ngo̱o̱li̱ne̱ Manyi ko̱, korongnyya la̱du̱n kanyakta ol Manyi. A̱gga̱ Manyi baiz cinna ki kaal cik kedemez naga ko̱, karike zin anna zinin a̱gga̱yyu̱ niga bu̱k baiz cinna̱ng.

2 Ko̱ri̱nto̱ 5:9

Ma i̱yo̱ko̱ nu̱nu̱n ming kabak lo̱o̱ta̱ ngatu icima ta̱mu̱-kenga, korongnyya ku̱tu̱gu̱zza̱ kaal cik anyike Manyi katalo.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

2 Ko̱ri̱nto̱ 8:21

Kazi niko eci korongnyya ku̱tu̱gu̱zza̱ kaal cik acin Manyi Ta̱mu̱ta̱dde̱n, kar ol uggak kicinnet bu̱k.

Vilipia 4:18

I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

Kolosiya 3:24

Ki i̱yo̱ko̱ ming a̱gga̱yyu̱ niga ko̱ ovvo atin niga amudannu kaal cik aragizu ngati Manyi, a̱li̱ngli̱ngngo̱ni̱kku̱ zin niga Manyi Ki̱ri̱sto̱, abunna ming a̱gga̱yyu̱ okko atin enne amuccu̱ng.

1 Ti̱mo̱te̱yo̱ 2:3

Abunna zin ming kogon niko kar katal Ta̱mu̱ta̱dde̱n wanna een Ti̱ri̱zo̱i̱t.

1 Ti̱mo̱te̱yo̱ 5:4

Anyik dooli cik ngaa ci boye ki dooli cik dooli ciginnek keeltta nonno, eci ming u̱tu̱gu̱zzo̱ nege ki i̱yo̱ko̱, atalne Ta̱mu̱ta̱dde̱n zo̱ze̱ necu.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 2:20

Iróng atin i̱nna̱ amuda gi̱i̱ imma ming a̱gi̱ddi̱ ol zo̱ze̱ ci gerze ogoni i̱nna̱ kar niim ru̱we̱ne̱t. Abarik, ming a̱gi̱ddi̱ ol zo̱ze̱ ci abunna ogoni i̱nna̱, kar niim ru̱we̱ne̱t ci ollu, a̱ma̱yu̱ki̱ atin Ta̱mu̱ta̱dde̱n.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.