Roma 14:13 - Tennet

¹³ Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

Roma 14:13 ပူးပေါင်းရင်းမြစ်များ

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Ma̱te̱yo̱ 18:7

Kar zin Ye̱su̱ bo̱do̱k kize ne, “O̱lle̱ cik lo̱o̱c cu eci anyike ol kabaccit. Aave ba̱ci̱ to, o̱lle̱ zin cik e̱e̱t wa anyaha ba̱ci̱.

Ma̱te̱yo̱ 7:1

“Ma apahek ol ba̱ci̱nno̱k okko atin apahoniki ba̱ci̱ i̱nne̱ta̱ bu̱k.

Lu̱ka̱ 12:57

“Nya ming iróng niga ettedu e̱le̱tti̱ne̱ zoz ci een de̱de̱ ngatinno̱ng ko̱?

Lu̱ka̱ 17:2

Maya oroot ming a̱ju̱ko̱ni̱k enne nyatapar ci a̱ddi̱ki̱re̱ ki rabaz ci kecebek i̱nya̱ cinne, eci gerza ming aanyik enne dooli wa kidik ku̱tu̱gu̱zzo̱ mu̱nye̱n.

Roma 11:9

Azi zin ba̱li̱ye̱ a̱ri̱to̱i̱ti̱ wa Ta̱mu̱ta̱dde̱no̱ een Da̱vi̱de̱ ne, “Maya ming amuda nong da̱i̱nte̱ ne̱k adak nege ko̱, anyik kize gi̱i̱ ci adir nogo baiza.

Roma 14:10

I̱nne̱t ele, nya ming apahek i̱nna̱ gonoggu wak a̱tu̱we̱ ki i̱nna̱ zoz ko̱? Icima nya ming ibbezi i̱nna̱ goonu? A̱kku̱ atin i̱i̱te̱ni̱ ci kovvo naga do̱o̱k kabile ngu̱me̱ ci Ta̱mu̱ta̱dde̱no̱, kar kapahekket agit do̱o̱k lo̱ki̱ko̱.

Roma 14:3

Imma e̱e̱ti̱ ci adak kaal do̱o̱k, gerza ming ibbez enne ol wak iróng adak kaal u̱gge̱ ko̱. Imma e̱e̱ti̱ ci abure kaal u̱gge̱ ko̱, gerza ming apahek enne gerziten ol wak adak kaal do̱o̱k ko̱, eci Ta̱mu̱ta̱dde̱n elema nogo do̱o̱k.

Roma 14:4

E̱e̱ni̱ i̱nna̱ ngene kar pahek du̱ca̱i̱t ci e̱e̱t imma zoz ko̱? Manyi du̱cca̱k do̱ niko ci odola zoz ci du̱cca̱k ciginnek, kar atin Ta̱mu̱ta̱dde̱n keela nogo ku̱tu̱gu̱zzo̱ ju̱rru̱m.

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 11:13

I̱no̱ni̱t zoz necu e̱le̱tti̱ne̱ cuggo̱k: Abunna yo gerza da̱ ming abile ngaa olle orgena, kar kala Ta̱mu̱ta̱dde̱n ki̱zzi̱ rok gi̱i̱ ci a̱bu̱nge̱ oo?

2 Ko̱ri̱nto̱ 5:14

Eci rezinet ci Ki̱ri̱sto̱ adangeket zoz cu, ma̱rri̱t naga ka̱gga̱c a̱da̱k e̱e̱ti̱ co̱de̱ zo̱ze̱ ci ollu do̱o̱k, kar ol do̱o̱k ka̱da̱i̱to̱.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

Je̱mi̱s 2:4

Ma ogonnu niko, anyahaku niga ngero e̱le̱tti̱ cuggo̱k, etteddu niga lo̱ki̱ko̱ zi̱nze̱tti̱nne̱ cik gerzek.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

1 Jon 2:10

Imma e̱e̱ti̱ ci irez gotoni, abak enne vooritena. I̱llo̱i̱ zin gi̱i̱ ci gerze adir nonno.

O̱no̱zzo̱k 2:14

I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.