Roma 13:14 - Tennet

¹⁴ Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 13:14 ပူးပေါင်းရင်းမြစ်များ

Ga̱la̱ti̱a̱ 3:27

Ming a̱gga̱mtta̱u̱ ba̱ti̱ti̱mo̱, izetu ol cik Ki̱ri̱sto̱, u̱tu̱gu̱zzu̱ ki enne, ogon ki ci aim e̱e̱ti̱ ru̱u̱m ci een jor.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Evesos 4:24

kar ka̱a̱nyu̱ng izet ol cik een jor. A̱ri̱ta̱nnu̱ng Ta̱mu̱ta̱dde̱n kar anyait bunnat ki baiz ci a̱li̱le̱ ming ogonnu ki enne zo̱ze̱ ci een de̱de̱.

Kolosiya 2:23

Ogon lo̱ti̱nno̱wa̱ ne̱ko̱ ki ci anyak genyiz, go̱o̱le̱ ci ommogek nege ol ki̱di̱ngdi̱nga̱ni̱t, ki ci a̱ru̱we̱ nege talaben azi ne ke̱e̱ggi̱nna̱ gunune, ki gool ci adimane nege e̱le̱tti̱ cigge̱k gerzet. Abarik i̱llo̱i̱ gi̱i̱ imma ci abunna kar kalamte zoz ci gerze amin zinin ci e̱e̱to̱.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.