Roma 13:12 - Tennet

¹² Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

Roma 13:12 ပူးပေါင်းရင်းမြစ်များ

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

2 Ko̱ri̱nto̱ 10:4

Iróng koyoi ol kiwagon aciiri ming oor illa turete lo̱o̱ta̱ ngatu. Abarik, kooryya ol wak adang zoz ci Ta̱mu̱ta̱dde̱no̱ go̱o̱le̱ ci aave do̱, iróng ne̱ke̱ e̱e̱ggi̱n turet cik lo̱o̱tu̱. Abarik kanyak komiz ci zoz ci Ta̱mu̱ta̱dde̱no̱ ci ommog modden do̱o̱k, kidita zin zoz ci adawanet nege agita,

2 Ko̱ri̱nto̱ 6:7

Kar go̱o̱le̱ ci kozoze zoz ci een de̱de̱ ki doiz ci Ta̱mu̱ta̱dde̱no̱; ki doiz ci bunnat ci Ta̱mu̱ta̱dde̱no̱ baize cinna.

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Evesos 5:11

E̱de̱yya̱ e̱le̱tti̱ kaale cik gerzek ogon ol wak abak mu̱hu̱ra̱, abarik i̱ye̱lta̱ kaal cik gerzek ko̱ vooriten ci Ta̱mu̱ta̱dde̱no̱.

Evesos 5:8

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

I̱bu̱ru̱ 10:25

Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

Je̱mi̱s 5:8

Inimet niga bu̱k no̱ngi̱tto̱n, abunna ming arikku zi̱nze̱tti̱ lo̱o̱c kar ibilet ṯop baiza, eci ize ojon i̱i̱te̱ni̱ ci a̱kku̱nne̱ Manyi.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

1 Jon 2:18

Izikto niga dooli wagannik tu̱we̱nta̱, i̱ki̱ya̱ ṯurnenet ci lo̱o̱tu̱. Iziktu niga ba̱li̱ye̱ zoz ci azi ne, a̱kku̱ atin mo̱dde̱nti̱ ci amarine Ki̱ri̱sto̱. I̱yo̱ko̱ zin i̱ye̱ltta̱i̱ mo̱ddo̱ cik Ki̱ri̱sto̱ cik meelek. Imma zin zo̱ze̱ neci ka̱gga̱ i̱ki̱ya̱ ṯurnenet ci lo̱o̱tu̱.

O̱no̱zzo̱k 1:3

A̱mu̱yu̱k atin Ta̱mu̱ta̱dde̱n e̱e̱t ci ikeb zoz ci Ta̱mu̱ta̱dde̱no̱ e̱he̱rye̱ buwe cu ko̱, a̱mu̱yu̱k atin bo̱do̱k Ta̱mu̱ta̱dde̱n ol cik aziye zoz necu kar zin kartik zi̱nze̱tti̱, ma̱rri̱t ize ojon wazini ci ovvo atin kaala ne̱ko̱ do̱o̱k ogone.

O̱no̱zzo̱k 22:10

A̱nne̱ka̱ zin enne annit ne, “Ma orodi zo̱zzo̱k cik i̱ye̱le̱ki̱ Vongizi ci Ta̱mu̱ta̱dde̱no̱ buwe cu, eci ize ojon i̱i̱te̱ni̱ kar kaala ne̱ko̱ ku̱tu̱gu̱zze̱.