Roma 13:10 - Tennet

¹⁰ Ming irez e̱e̱ti̱ ol do̱o̱k, iróng rezinet aanyi tu̱gu̱ zoz ci gerze. Adiman rezinet zoz ci lo̱ti̱nno̱u̱ kakat mo̱o̱le̱t.

Roma 13:10 ပူးပေါင်းရင်းမြစ်များ

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Kaviyak wak Abunna Ta̱mu̱ta̱dde̱no̱ eher Joni 13:34

Kar bo̱do̱k Ye̱su̱ kize ne, “Ka̱a̱nyu̱ng i̱yo̱ko̱ ti̱lo̱wi̱ne̱t ci een jor ci azi ne, irezto e̱le̱tti̱ niga do̱o̱k, ki baling kirezzung anna i̱ge̱t ke̱.

Roma 13:8

Ru̱k ngabolet cigunnek olle do̱o̱k. Ogon rezinet ki ci kanyak naga nga̱bo̱lo̱, abunna zin kirez naga ol do̱o̱k, ming irez e̱e̱ti̱ imma gooni, azunne enne lo̱ti̱nno̱k cik Ta̱mu̱ta̱dde̱no̱.

Ga̱la̱ti̱a̱ 5:14

Ming karum lo̱ti̱nno̱k do̱o̱k nga̱to̱de̱, azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.”

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.