Roma 12:6 - Tennet

⁶ Aanyyet zin Ta̱mu̱ta̱dde̱n arizet ci aave do̱ do̱, aanyyet Ta̱mu̱ta̱dde̱n de̱ti̱ne̱t cinne. Ming anyak e̱e̱ti̱ arizet ci a̱du̱wa̱ne̱ kaviyak cik Ta̱mu̱ta̱dde̱no̱, anyik nonno ki̱li̱ngli̱nge̱ tu̱we̱nte̱ cinne.

Roma 12:6 ပူးပေါင်းရင်းမြစ်များ

Ma̱te̱yo̱ 23:34

Ki̱tto̱na̱kku̱ng a̱ri̱tto̱k wak zoz ci Ta̱mu̱ta̱dde̱no̱ ki ol wak egenyi ki de̱me̱zzo̱k. A̱ru̱kku̱ atin niga u̱gge̱ ka̱da̱i̱to̱ kar ododek ta̱la̱ke̱c; kar atin bo̱do̱k u̱ru̱we̱t u̱gge̱ Ce̱e̱zi̱nne̱ wak Lawinto, aliyanu nogo o̱ro̱gjo̱we̱.

Ma̱te̱yo̱ 25:22

“I̱ki̱ya̱ bo̱do̱k du̱ca̱i̱ti̱ bali anyak lodet cik e̱e̱ggi̱n rama een dhahab ko̱, a̱nne̱k ne, ‘Ddi̱ki̱ryo̱i̱t, aanya i̱nna̱ annit ba̱li̱ye̱ lodet rama, izeto zin lodetta we̱c.’

Lu̱ka̱ 11:49

Eci zo̱ze̱ necu, azi Ta̱mu̱ta̱dde̱n genyize cinne ne, ‘Ki̱tto̱nna̱k atin anna nogo a̱ri̱tto̱k ki to̱ni̱a̱k, ovvo atin uggak a̱ru̱we̱ ka̱da̱i̱to̱, kar atin uggak ki̱gi̱dde̱.’

Buk wa To̱ni̱a̱u̱ 13:1

Anyak ba̱li̱ye̱ ke̱le̱ci̱a̱ ci aave o̱rge̱ ci Antiyoki a̱ri̱tto̱k ki de̱me̱zzo̱k ciko: Barnabas, Si̱mo̱ne̱ wa een zara uggak ne Niger, ki Lucius wa Cyrene, ki Manaen wa bali ingazi ki alaan He̱ro̱d Antipas nga̱to̱de̱ bali ngen e̱e̱ggi̱n dooli ke̱, kar zin Saul.

Buk wa To̱ni̱a̱u̱ 15:32

Ozozzit zin Judasi ki Silas balik e̱e̱ggi̱n a̱ri̱tto̱k ke̱ oroot, i̱lo̱t nogo kar abunna okkomi tu̱we̱nta̱.

Buk wa To̱ni̱a̱u̱ 2:17

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Buk wa To̱ni̱a̱u̱ 21:9

Anyak enne dooli we̱c cik nga̱a̱ye̱k ngen ki̱tti̱kte̱, a̱du̱wa̱ nege arizet ci zoz ci Ta̱mu̱ta̱dde̱no̱.

Roma 1:11

Korongi anna oroot kar ki̱ki̱ya̱ kicinung, kar kedemezung arizet ci riili Vongizo, kar okkomit kak,

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

1 Ko̱ri̱nto̱ 12:18

Abarik zin Ta̱mu̱ta̱dde̱n idiman kaal cik eliyak veelek, adiman do̱o̱k e̱co̱de̱ e̱co̱de̱ go̱o̱le̱ ci oronge enne ele ci e̱e̱to̱ ki̱li̱ngli̱ng.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 14:1

Abunna zin ming annuyu zoz ci rezinto oroot, kar orongit arizet ci Vongizo, ommogje arizet ci a̱du̱wa̱k ol zoz ci Ta̱mu̱ta̱dde̱no̱.

1 Ko̱ri̱nto̱ 14:24

Ma̱i̱je̱ ming i̱tto̱ e̱e̱ti̱ ci iróng a̱tu̱we̱ orgen ci ol wak a̱tu̱we̱ kar kizik zoz ci a̱du̱wa̱ ol ne̱ko̱, okko atin Ta̱mu̱ta̱dde̱n ogoni, elemi atin enne een ba̱ci̱ cinne kar ka̱gga̱ apahek atin Ta̱mu̱ta̱dde̱n nonno lo̱ki̱ko̱ zo̱ze̱ ci kaal balik aziye enne ke̱ do̱o̱k.

1 Ko̱ri̱nto̱ 14:29

Aanycik ol cik e̱e̱ggi̱n a̱ri̱tto̱k rama kozozit zoz ci i̱ye̱le̱k Ta̱mu̱ta̱dde̱n nogo, kar ol do̱o̱k kiziyet idic zoz ci a̱du̱wa̱ nege.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 7:7

Korongi wo̱ye̱ anna ol do̱o̱k ku̱tu̱gu̱zzo̱ ki anna. Abarik anyak gon e̱e̱ti̱ arizet ci aanyik Ta̱mu̱ta̱dde̱n nonno; anyak e̱e̱ti̱ imma arizet cu, okko imma anyak arizet ci aave do̱.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

Vilipia 3:15

Imma naga ol wak kanyak tu̱we̱ne̱t ci okkomi ko̱, abunna ming ki̱no̱ne̱ go̱o̱le̱ necu do̱o̱k. Kar ming anyak ol u̱gge̱ cik iróng elemi zoz necu, okko atin Ta̱mu̱ta̱dde̱n i̱ye̱le̱ke̱ nogo gool necu ju̱rru̱m.

1 Te̱se̱lo̱ni̱ka̱ 5:20

Ma ibbezzu zoz ci Ta̱mu̱ta̱dde̱no̱ u̱du̱wa̱ a̱ri̱to̱i̱ti̱ ci zoz cinne.

2 Peturu 1:20

Abunna zin ming a̱gga̱yyu̱, i̱llo̱i̱ a̱ri̱to̱i̱t ci a̱du̱wa̱ zoz Warage ci Ta̱mu̱ta̱dde̱no̱ kar bo̱do̱k ku̱du̱wa̱ ke̱ngti̱ cik zo̱zzo̱k ne̱ke̱ o̱o̱we̱ cinne do̱.