Roma 12:3 - Tennet

³ Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Roma 12:3 ပူးပေါင်းရင်းမြစ်များ

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Kaviyak wak Abunna Ta̱mu̱ta̱dde̱no̱ eher Joni 3:34

Okko e̱e̱ti̱ wa i̱tto̱na̱ Ta̱mu̱ta̱dde̱n ko̱ ozoz zoz ci Ta̱mu̱ta̱dde̱no̱, eci enne aanyik Vongiz cinne do̱o̱k.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 12:16

Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 7:17

Abunna e̱e̱ti̱ ci diiri ming elema baiz ci aanyik Manyi nonno kabahe, go̱o̱le̱ ci orong Ta̱mu̱ta̱dde̱n nonno ki̱li̱ngli̱ng. Een necu ti̱lo̱wi̱ne̱t ci karike anna ke̱le̱ci̱a̱nya̱ veelek.

2 Ko̱ri̱nto̱ 10:13

Iróng atin kodognyya e̱le̱tti̱ gi̱i̱ye̱ ci amire ki agit cik kogonna. Kodongnyya atin e̱le̱tti̱ li̱ngli̱ngo̱nte̱ ci i̱tto̱nne̱t Ta̱mu̱ta̱dde̱n kar ku̱tu̱gu̱zza̱ ko̱, een li̱ngli̱ngo̱ni̱ necu bu̱k ci ka̱li̱ngli̱ng naga orgene cunno̱ng.

2 Ko̱ri̱nto̱ 12:13

Obodanu ba̱li̱ye̱ niga e̱le̱tti̱ ke̱le̱ci̱a̱nya̱i̱, eci iróng anna karikku̱ng baiz cinanni i̱ge̱ta̱? Alalteyyang zo̱ze̱ ci kabaca!

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Evesos 3:2

Iziktu niga bunnat ci Ta̱mu̱ta̱dde̱no̱ ngati ahalana annit kar keelaung zo̱ze̱ ci Ta̱mu̱ta̱dde̱no̱.

Evesos 3:4

Ming ikebtu waraga cu, a̱gga̱yyu̱ wo̱ye̱ keng ci zoz wa een de̱de̱ bali a̱lu̱gu̱ny Ta̱mu̱ta̱dde̱n ke̱. I̱ye̱le̱ya̱ zin enne annit zoz necu ka̱gga̱ zo̱ze̱ ci Ki̱ri̱sto̱.

Evesos 4:16

ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.

Vilipia 2:13

eci Ta̱mu̱ta̱dde̱n ci a̱li̱ngli̱ng baize cunno̱ng kar ka̱a̱nyu̱ng zinin ci ogonnu kaal cik abunna ki ming a̱du̱wa̱ zoz cinne.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

Kolosiya 2:13

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k.

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

1 Ti̱mo̱te̱yo̱ 2:15

A̱ti̱ri̱z atin Ta̱mu̱ta̱dde̱n ngaai go̱o̱le̱ ci a̱rri̱ta̱ne̱ dooli, ming emena nege tu̱we̱nta̱ ki rezinet Ta̱mu̱ta̱dde̱n kar kabaito baiz ci a̱li̱le̱.

1 Ti̱mo̱te̱yo̱ 2:9

Korongi bo̱do̱k ngaai ki̱ti̱me̱t ru̱u̱ma̱ni̱ cik abunna iróng adak o̱ro̱bi̱ya̱ cik meelek, iróng e̱e̱ggi̱n ru̱u̱ma̱ni̱ cik u̱tu̱ri̱k ki̱ye̱lta̱i̱ vaana. Gerza ming a̱bbu̱k otir. Gerza ming aburuc zu̱rte̱ne̱n cik een dhahab ki alben cik i̱rra̱ne̱ nege.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

Ti̱to̱ 2:2

Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.

Ti̱to̱ 2:4

Abunna ngaai wak a̱ddi̱ki̱re̱ ko̱ ming edemez ngaai wak kidik kar kirezit macwa cigge̱k ki dooli,

Ti̱to̱ 2:6

Imma go̱o̱le̱ neci i̱lo̱tte̱ ngaai wak a̱ddi̱ki̱re̱ ngaai wak kidik niko ko̱, Ti̱to̱, ti̱lo̱ logoz bu̱k kar kanyait uruttok baizowe kaale cik ogon nege.

Je̱mi̱s 4:6

Abarik enne aanyet agit deten ci a̱ppwe̱. Zoz zin ci ozoz Waraga ci Ta̱mu̱ta̱dde̱no̱ azi ne: “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

3 Jon 1:9

Ketehereya ba̱li̱ye̱ anna waraga ol cik a̱tu̱we̱ ke̱le̱ci̱a̱, ma̱i̱je̱ e̱e̱ti̱ ci een Diotrephes ci orong kize ddi̱ki̱ryo̱i̱t cinne̱ng ko̱, iróng zin enne orong kizik zoz cinna.