Roma 12:18 - Tennet

¹⁸ Itimanit ju̱rru̱m gool ci abakku ki ol do̱o̱k yahe.

Roma 12:18 ပူးပေါင်းရင်းမြစ်များ

Kananet 21:24

O̱bo̱de̱k zin Aburahami Abimelech iizek ne, “Ka̱du̱li̱ zin keet.”

Ma̱te̱yo̱ 5:24

Dima muci necu, tungek i̱te̱le̱ wa gon arike ol muci ko̱, oot aganto imma goonu arrak kar boda anyik Ta̱mu̱ta̱dde̱n muci.

Ma̱te̱yo̱ 5:5

U̱mu̱yu̱k Ta̱mu̱ta̱dde̱n ol wak iróng odong e̱le̱tti̱ cigge̱k, ovvo atin nege aragiz lo̱o̱c.

Ma̱te̱yo̱ 5:9

U̱mu̱yu̱k Ta̱mu̱ta̱dde̱n ol wak aganiz ol, ovvo atin nege e̱e̱ggi̱n dooli cik Ta̱mu̱ta̱dde̱no̱.

Marko 9:50

“Abunna mile, ma̱i̱je̱ ming amaktal, adiman wo̱ye̱ e̱e̱ti̱ kize mile bo̱do̱k ku̱? Anyait mediz ci milo e̱le̱tti̱ne̱ cuggo̱k, kar a̱vvu̱t labak ki ol do̱o̱k.”

Roma 1:15

Korongi zin anna oroot kar ku̱du̱wa̱u̱ng kaviyak cik abunna i̱ge̱t ol cik Romi.

Roma 14:17

Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

1 Ko̱ri̱nto̱ 7:15

Ming orong e̱e̱ti̱ icima ngaa ci iróng a̱tu̱we̱ ko̱ koog gooni, anyik koog labak. Eci go̱o̱le̱ ci edemezet lo̱ti̱nno̱wa̱ cik Ta̱mu̱ta̱dde̱no̱, iróng ol wak a̱tu̱we̱ odoknonik rucenet ci ogon niko. Orongnyet Ta̱mu̱ta̱dde̱n abunna kabak yahe.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 4:3

U̱tu̱gu̱z kaal do̱o̱k ju̱rru̱m kar Vongizi ci Ta̱mu̱ta̱dde̱no̱ ka̱a̱nyu̱ng zi̱nze̱tti̱ cik abakku nga̱to̱de̱. U̱tu̱gu̱z zoz necu ngati abakku labak.

1 Te̱se̱lo̱ni̱ka̱ 5:13

Eci ogonekku̱ng kaal cik abunna, o̱to̱ngo̱o̱ltte̱ nogo kar irezzit nogo oroot. Abait bo̱do̱k labak.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

1 Peturu 3:11

Abunna la̱du̱n enne ming uungnek kaal cik mu̱nye̱nu̱ kar ku̱tu̱gu̱ kaal cik abunna; abunna la̱du̱n ming orong enne gano kar kaanyik kize baiz cinne.