Roma 12:17 - Tennet

¹⁷ Ming ogonekku̱ng e̱e̱ti̱ imma i̱ge̱t zoz ci gerze, ma acacannu zo̱ze̱ ci gerze. Abarik u̱tu̱gu̱z kaal cik abunna cik acin ebere do̱o̱k een de̱de̱.

Roma 12:17 ပူးပေါင်းရင်းမြစ်များ

Kananet 42:25

Erecanek zin Yosevo ol wak a̱li̱ngli̱ng bu̱k ke̱ ke̱le̱ze̱k labi lodet cigge̱k, kar bo̱do̱k kobodehe ngenngene o̱ro̱bi̱ya̱ ciginnek lo̱do̱ cinne, kar kanycik nogo da̱i̱ne̱t cik goolu. Baling u̱tu̱gu̱zze̱ kaala ne̱ko̱ do̱o̱k ngatinne̱ng,

Ma̱te̱yo̱ 5:24

Dima muci necu, tungek i̱te̱le̱ wa gon arike ol muci ko̱, oot aganto imma goonu arrak kar boda anyik Ta̱mu̱ta̱dde̱n muci.

Ma̱te̱yo̱ 5:39

Abarik zin ka̱du̱wa̱kku̱ng, ma alami e̱e̱t ci gerze. Ming apani e̱e̱ti̱ mucec co̱de̱, anyik kapan o̱to̱n co̱de̱ ke̱ bu̱k.

Roma 12:19

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

Roma 14:16

Ma anyike ol kozozit da̱i̱nte̱ cik adai i̱nna̱ a̱gga̱ ming abunna ko̱, kizeto ne kaal cik mu̱nye̱nu̱.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 4:12

Ming u̱tu̱gu̱zzu̱ niko, o̱ngo̱o̱li̱nnu̱ng wo̱ye̱ ol wak iróng a̱tu̱we̱. I̱ce̱lli̱t e̱le̱me̱tti̱ cuggo̱k ma̱ci̱gja̱.

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

Buk ci ozoz zoz ci ngaa ci een Ruz 3:14

Atangu zin Ruzi zoone ciginnek kaal, kar zin kitinga ri̱ri̱wo̱na̱ ngati iróng e̱e̱ti̱ imma acine nonno, kar zin Boazi kize ne, “Ma anyike e̱e̱t imma ka̱gga̱ ming iyowa i̱nna̱ ngati a̱ru̱we̱ ol labi ko̱.”