Roma 12:16 - Tennet

¹⁶ Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

Roma 12:16 ပူးပေါင်းရင်းမြစ်များ

Ma̱te̱yo̱ 11:5

Icinte ol wak ru̱be̱ni̱k, otozo ol wak ngoolik, ubunntta ol wak anyak dhovo, izikto ol wak adite iina, itingazzo ol wak a̱da̱i̱to̱ daiza, kar zin kuwaktozik kaviyaha cik abunna Ta̱mu̱ta̱dde̱no̱ ol wak amati.

Ma̱te̱yo̱ 26:11

Abakku atin gon niga ki ol cik amati odohize, ma̱i̱je̱ anna iróng atin karume ki i̱ge̱t gon ngatu u̱u̱mu̱c.

Lu̱ka̱ 14:13

Abarik ming awak i̱nna̱ ol da̱i̱ne̱t, tuwa ol wak amati ki ol wak ru̱be̱ni̱k ki cik ngoolik,

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

Roma 11:20

Anyozik ba̱li̱ye̱ zoz necu de̱de̱ nogo. Abarik u̱du̱lto̱zi̱k nege tu̱ eci iróng nege a̱tu̱we̱, imma niga abilnnu niga tu̱we̱nta̱. Ma e̱e̱ggi̱nnu̱ moote, abarik o̱to̱ngo̱o̱ltte̱.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Roma 15:5

Abunna bai ming aanyi Ta̱mu̱ta̱dde̱n zinin ci alali ki tu̱we̱ne̱t ci okkomi, kar bo̱do̱k niga o̱do̱ye̱ do̱o̱k ngati annuyu Ye̱su̱ Ki̱ri̱sto̱,

Roma 6:2

Iróng een niko! Ming iróng mu̱nye̱na̱ ngen abalet ko̱, nya bo̱do̱k ming kobodonik naga mu̱nye̱n ko̱?

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

1 Ko̱ri̱nto̱ 4:10

Kogon naga ki i̱yo̱ko̱ ol wak tarbalik ko̱ zo̱ze̱ ci obod ki Ki̱ri̱sto̱! Ma̱i̱je̱ niga egenyyu zo̱ze̱ ci Ki̱ri̱sto̱. Kamujna naga, ma̱i̱je̱ niga okkomnu kak. O̱ngo̱o̱li̱nnu̱ng ol, imma ol ibbezeta!

1 Ko̱ri̱nto̱ 6:5

Ma ovvoyyu gonoggu lo̱ki̱ka̱ ngati ol wak iróng a̱tu̱we̱, anyahaku wo̱ye̱ e̱le̱tti̱ a̱li̱ya̱n. Eci wo̱ye̱ nu̱nu̱n egenyyu niga do̱o̱k, i̱llo̱i̱ ngatinno̱ng e̱e̱t co̱de̱ ṯok ci egenyi, kar kapahek ol cik a̱tu̱we̱ ko̱ zoz ci dango cinne̱ng.

1 Ko̱ri̱nto̱ 8:2

Imma e̱e̱ti̱ ci odong ele, azi ne kegenyi ka̱gga̱ kaal do̱o̱k, iróng enne a̱gga̱ gi̱i̱ imma, ki ming i̱no̱n enne ko̱.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 3:16

Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.

Vilipia 4:2

I̱yo̱ko̱ kilalekkung i̱ge̱t ngonogget cik e̱e̱ggi̱nnu̱ rama ko̱ Euodia ki Syntyche abunna ming ungneku dango lo̱o̱c, elemit e̱le̱tti̱ zo̱ze̱ ci Manyi.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 5:3

Ma ogonnu ki alaata wak odong e̱le̱tti̱ olle ngati a̱gga̱me̱ ol. Abarik aanycik ol kicinnta li̱ngli̱ngo̱n cunno̱ng ngati a̱li̱ngli̱ngnyu̱ ju̱rru̱m.

3 Jon 1:9

Ketehereya ba̱li̱ye̱ anna waraga ol cik a̱tu̱we̱ ke̱le̱ci̱a̱, ma̱i̱je̱ e̱e̱ti̱ ci een Diotrephes ci orong kize ddi̱ki̱ryo̱i̱t cinne̱ng ko̱, iróng zin enne orong kizik zoz cinna.