Roma 12:13 - Tennet

¹³ Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

Roma 12:13 ပူးပေါင်းရင်းမြစ်များ

Ma̱te̱yo̱ 25:35

Eci ba̱li̱ye̱ adaka magiz, kar zin niga aanycang da̱i̱ne̱t. A̱ru̱ka̱ ba̱li̱ye̱ koor, kar zin niga aanycang maam. Ke̱e̱ni̱ ba̱li̱ye̱ e̱re̱nno̱i̱t o̱rge̱ cunno̱ng kar zin niga aanycang nginti kabaheke onyit lo̱o̱c.

Buk wa To̱ni̱a̱u̱ 10:4

Egelem zin Kornelio nonno bba̱ri̱to̱na̱. Kar zin ki̱jji̱no̱, “Nya, ddi̱ki̱ryo̱i̱t?” O̱bo̱de̱k zin anjilo nonno, a̱nne̱k ne, “Uzucca lawinet cunne ki muci wak eelanne i̱nna̱ ol wak amati ko̱ Ta̱mu̱ta̱dde̱n.

Buk wa To̱ni̱a̱u̱ 4:35

kar kaanycik to̱ni̱a̱k, kar zin o̱ro̱bi̱ya̱na̱ ne̱ke̱ kengertozik ol cik amati.

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

1 Ko̱ri̱nto̱ 16:15

Abunna ming a̱gga̱yyu̱ Stephanas ki dooli ciginnek arrak cik elemi zoz ci Ta̱mu̱ta̱dde̱no̱ o̱rge̱ ci een Achaia, kar zin kaarttek zi̱nze̱tti̱ li̱ngli̱ngo̱n ci eelanne nege olli Ta̱mu̱ta̱dde̱no̱. Kilalekkung gotonogga ki ngonogga tu̱we̱nta̱,

2 Ko̱ri̱nto̱ 9:1

I̱yo̱ko̱, iróng korongi ketehereung zoz ci obod ki muci balik oowa ol wak a̱tu̱we̱ kar ki̱tto̱nto̱zzi̱k ollik Ta̱mu̱ta̱dde̱no̱ lo̱o̱ce̱ ci een Ju̱de̱ya̱, Jerusalema.

2 Ko̱ri̱nto̱ 9:12

Abunna ming a̱gga̱yyu̱, ming amuci ol cik Ta̱mu̱ta̱dde̱no̱, iróng i̱nna̱ anyike kaal cik orong nege. Een necu gool ci ovvo ol cik meelek aanyik Ta̱mu̱ta̱dde̱n zany.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Vilomene 1:7

Gotona tu̱we̱nta̱, aanya rezinet cunne talninet oroot ki zoz ci abunna, eci i̱nna̱ anyike zi̱nze̱tti̱ cik ol wak a̱tu̱we̱ katalto.

I̱bu̱ru̱ 13:16

Abunna ming ogonnu kaal cik abunna, kar ozolit kaal ki ol wak amati. Een necu muci ci elemi Ta̱mu̱ta̱dde̱n.

I̱bu̱ru̱ 13:2

Abunna ming a̱ti̱ri̱zu̱ ol cik een i̱do̱ngi̱ cik een e̱re̱nno̱k ce̱e̱zi̱nne̱ cuggo̱k ju̱rru̱m, imma abarik go̱o̱le̱ ci ka̱ti̱ri̱ze̱ ol ko̱, i̱ti̱ri̱zze̱t ol uggak anjilonya lo̱mu̱k ngati iróng nege a̱gga̱we̱.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

1 Peturu 4:9

Aanycik ol ki̱vi̱ta̱k ce̱e̱zi̱ ciggo̱k ki̱zzi̱ rok zoz imma ci anyakku zi̱nze̱tti̱nne̱ to.

1 Jon 3:17

Ming anyak e̱e̱ti̱ kaal cik meelek, kar kicin gooni imma ci amati, kar iróng enne eela nonno, aave wo̱ye̱ rezinet ci Ta̱mu̱ta̱dde̱no̱ ngatinne ku̱?

3 Jon 1:5

Goona wa zinino, anyai i̱nna̱ tu̱we̱ne̱t oroot kaale cik ogonik i̱nna̱ gotonogget ko̱, ming e̱e̱ggi̱n nege nu̱nu̱n i̱do̱ngi̱.