Roma 12:10 - Tennet

¹⁰ Irezto niga do̱o̱k oroot, irez ol wak a̱tu̱we̱ oroot kommog ele cunne.

Roma 12:10 ပူးပေါင်းရင်းမြစ်များ

Kananet 13:9

Iróng een lo̱o̱c do̱o̱k ci kanyak naga ko̱? Kengerit e̱le̱tti̱. Ming okko i̱nna̱ angeta, kokko anna a̱zza̱, ming okko i̱nna̱ a̱zza̱, kokko anna angeta.”

Ma̱te̱yo̱ 20:26

Iróng een niko ngatinno̱ng, abarik, ming orong e̱e̱ti̱ kize alaan ci a̱ddi̱ki̱re̱ orgene cunno̱ng, anyik nonno kize du̱ca̱i̱t cunno̱ng,

Lu̱ka̱ 14:10

Abarik, ming awuyi manyi ce̱e̱z, a̱vvu̱ ngati iróng riil oroot, kar ming okko manyi ce̱e̱z a̱kku̱, okko atin enne a̱nne̱ki̱ ne, ‘Goona, tinga a̱vvu̱ ngati abunna ko̱.’ Kar atin e̱re̱nno̱wa̱ ne̱k aavtte nginati ke̱ do̱o̱k ko̱to̱ngo̱o̱lte̱i̱n.

Kaviyak wak Abunna Ta̱mu̱ta̱dde̱no̱ eher Joni 15:17

Ki̱lo̱ti̱kku̱ng zin i̱yo̱ko̱ zoz ci ka̱nne̱kku̱ng ne, irezto e̱le̱tti̱.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Buk wa To̱ni̱a̱u̱ 4:32

O̱do̱ye̱ da̱ ol wak a̱tu̱we̱ zi̱nze̱tti̱ cigge̱k ne ṯok. I̱llo̱i̱ rok e̱e̱t co̱de̱ ci azi ne, een ba̱li̱ye̱ i̱jjo̱ ne̱ke̱ ciginnek, abarik nege ozol kaal cik anyak do̱o̱k.

Roma 13:7

Abunna zin ming a̱ru̱we̱kku̱ e̱e̱t kaal cik orong nege ngatinno̱ng. Ming orong mucuru, u̱ru̱ktte̱k. Abunna bu̱k niga ming o̱ngo̱o̱li̱nnu̱ ol wak agano ki to̱ngo̱o̱li̱ne̱t, abunna bo̱do̱k a̱di̱ngdi̱nga̱nnu̱ ol wak agano ki di̱ngdi̱nga̱ni̱ne̱t.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

Kolosiya 1:4

eci kizikta naga tu̱we̱ne̱t ci anyakku ngati Ye̱su̱ Ki̱ri̱sto̱, ki rezinet ci irezzu niga ol cik Ta̱mu̱ta̱dde̱no̱ do̱o̱k.

1 Te̱se̱lo̱ni̱ka̱ 4:9

Ma̱i̱je̱ ming een lemanet wa irezzu gotonogget wak a̱tu̱we̱, iróng keherikung zoz ci obod ki o̱to̱n neci, ma̱rri̱t ba̱li̱ye̱ ming een Ta̱mu̱ta̱dde̱n eliya ci edemezung gool ci irezzu e̱le̱tti̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

1 Jon 4:11

Gonogga wak zinino, eci Ta̱mu̱ta̱dde̱n irezet oroot, abunna naga bu̱k ming kirezo e̱le̱tti̱.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?