Roma 11:14 - Tennet

¹⁴ Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 11:14 ပူးပေါင်းရင်းမြစ်များ

Kananet 29:14

Izek zin Labani nonno ne, “E̱e̱ni̱ i̱nna̱ bi̱ye̱ cigannik ele.” Baling abaito Ya̱ko̱bo̱ ki malotinne nye̱lo̱k co̱de̱,

Roma 10:19

Ka̱jji̱ne̱ anna bo̱do̱k: Iróng olli Israilo azikne? Arrak eher Musesi zoz ci Ta̱mu̱ta̱dde̱no̱, azi ne, “Ka̱a̱nyu̱ng anyait meder zo̱ze̱ ci ol cik iróng anyak lo̱o̱c. Ka̱a̱nyu̱ng omozte ngati lo̱o̱c ci iróng azikne.”

Roma 11:11

I̱yo̱ko̱ zin, ka̱jji̱ne̱ kazi ne: Ming abaccit olli Ya̱u̱do̱ ko̱, iróng atin Ta̱mu̱ta̱dde̱n ngen elemi nogo? Iróng een niko! Aanyik zoz ci olli Ya̱u̱do̱ mu̱nye̱nu̱ ko̱ ol cik iróng een Ya̱u̱d kurubta ti̱ri̱ze̱ne̱t ci Ta̱mu̱ta̱dde̱no̱, anyak atin olli Ya̱u̱do̱ meder zo̱ze̱ necu, orong ti̱ri̱ze̱ne̱t necu kize ci e̱le̱tti̱ cigge̱k do̱.

Roma 9:3

Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 7:16

Niga ngaai wak a̱tu̱we̱nu̱, abunna ming a̱gga̱yyu̱ a̱ti̱ri̱z atin Ta̱mu̱ta̱dde̱n macwa cuggo̱k zo̱ze̱ ci tu̱we̱ne̱t cunno̱ng. Ogon bo̱do̱k niko, niga macwana cik a̱tu̱we̱nu̱ ko̱, a̱ti̱ri̱z atin Ta̱mu̱ta̱dde̱n ngaai cuggo̱k zo̱ze̱ ci tu̱we̱ne̱t cunno̱ng.

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Ti̱to̱ 3:5

I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

Vilomene 1:12

Ming nu̱nu̱n kirezi anna Onesimos oroot, ki̱tto̱na̱ki̱ zin anna nonno kobodain.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

Je̱mi̱s 5:20

a̱a̱dda̱ zoz cu ju̱rru̱m: Ming eela e̱e̱ti̱ imma e̱e̱t ci mu̱nye̱nu̱ kutungek mu̱nye̱n lo̱o̱c, a̱ti̱ri̱z atin enne nonno daiza kar ku̱bu̱ng mu̱nye̱n cik meelek giir.