Roma 10:16 - Tennet

¹⁶ Abarik iróng olli Israilo do̱o̱k cik elemi kaviyak cik abunna. Eci azi a̱ri̱to̱i̱ti̱ ci zoz ci Ta̱mu̱ta̱dde̱no̱ een Isaya ne, “Manyi, ngene ci a̱tu̱ kaviyak cigga̱c?”

Roma 10:16 ပူးပေါင်းရင်းမြစ်များ

Ma̱te̱yo̱ 13:14

Akat zin zoz bali u̱du̱wa̱ a̱ri̱to̱i̱ti̱ wa een Isaya ko̱ mo̱o̱le̱t zo̱ze̱ cinne̱ng: “‘Aziknnu atin niga zoz ci a̱du̱ya̱i̱, abarik iróng i̱i̱zo̱ o̱o̱tti̱ ciggo̱k; acinnu atin niga gi̱i̱ ci ogone, iróng acinnu bak a̱gga̱yyu̱ keng ci zoz neci de̱de̱.

Kaviyak wak Abunna Ta̱mu̱ta̱dde̱no̱ eher Joni 10:26

Abarik iróng atin niga elemnyyu, eci iróng niga e̱e̱ggi̱nnu̱ eeza cigannik.

Buk wa To̱ni̱a̱u̱ 28:24

Elemtta ol uggak zoz ci u̱du̱wa̱ Pa̱u̱lo̱, ovvo uggak iróng elemi.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 11:17

Ming u̱du̱lte̱ alawo uggak cik keet ci i̱ngi̱ro̱u̱, ogon olli Ya̱u̱do̱ ki alawo wak ettedonik tu̱. Ovvo zin alawo wak alize ko̱, aragiz gonoggi u̱tu̱gu̱zzo̱ nege ki ol wak iróng een Ya̱u̱d, i̱yo̱ko̱ zin, u̱mu̱dda̱ ma̱yu̱we̱ne̱t keete necu nege bu̱k,

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

Roma 3:3

“Anyak ol u̱gge̱ cik meelek ngatinne̱ng wak iróng a̱tu̱ kaviyak ne̱ke̱. Azi ungec ci zoz necu ne iróng zin ngen karike zi̱nze̱tti̱ Ta̱mu̱ta̱dde̱n, iróng zin Ta̱mu̱ta̱dde̱n ngen azunne zoz bali u̱du̱wa̱ enne ke̱?

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

Ga̱la̱ti̱a̱ 3:1

Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k.

Ga̱la̱ti̱a̱ 5:7

Azunnu ba̱li̱ye̱ niga zoz ci Ye̱su̱ ju̱rru̱m, nya ci uhu o̱o̱tti̱ cuggo̱k bak odotekku zoz ci een de̱de̱ lo̱o̱c?

2 Te̱se̱lo̱ni̱ka̱ 1:8

Anyaha ki gwo̱o̱ ci okko edeze ol cik iróng a̱tu̱ zoz ci Ta̱mu̱ta̱dde̱no̱, ki ol cik iróng elemi kaviyak cik abunna Manyitinna Ye̱su̱.

I̱bu̱ru̱ 11:8

Imma bo̱do̱k tu̱we̱nte̱ ci e̱e̱t ci een zara Aburaham, elema zoz ci Ta̱mu̱ta̱dde̱no̱ baling awu nonno ke̱, kar kuk lo̱o̱ce̱ bali a̱nne̱k Manyi anyik nonno kuk ke̱, kar atin kuuwe lo̱o̱c neci kize cinne. Okko enne ming iróng a̱gga̱ lo̱o̱c neci nu̱nu̱n.

I̱bu̱ru̱ 4:2

Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.