Roma 10:15 - Tennet

¹⁵ Uwahek wo̱ye̱ e̱e̱ti̱ imma nogo kaviyak cik abunna ko̱ ming ngen Ta̱mu̱ta̱dde̱n kodola ki̱tto̱n e̱e̱t neci? E̱he̱rye̱ waraga ci Ta̱mu̱ta̱dde̱no̱ azi ne “A̱zi̱ze̱ zoona cik ol wak anyahak ol kaviyak cik abunna.”

Roma 10:15 ပူးပေါင်းရင်းမြစ်များ

Ma̱te̱yo̱ 9:38

Alac Manyi wa een Manyi kaal do̱o̱k, abunna ming anyaha ol cik meelek kettedit labi.”

Lu̱ka̱ 10:1

Imma bali vu̱rrta̱, atahala zin Manyi nuyak u̱gge̱ moten turgerem ki rama kar ki̱tto̱n nogo kotozzo rama rama koot oowe cinne o̱ro̱gjo̱we̱ cik okko atin enne okkoye.

Lu̱ka̱ 2:10

Ma̱i̱je̱ anjilo a̱nne̱k nogo ne, “Ma o̱ngo̱o̱li̱nnu̱ gi̱i̱ imma. Kanyahakung anna i̱ge̱t kaviyak cik abunna anyak talninet ci a̱ppwe̱ ci ollu do̱o̱k.

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Lu̱ka̱ 8:1

Imma bali vu̱rrta̱, eron Ye̱su̱ owo o̱ro̱gjo̱we̱, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱. Orkor enne ki nuyak waginnek omoto ki rama,

Kaviyak wak Abunna Ta̱mu̱ta̱dde̱no̱ eher Joni 20:21

O̱bo̱de̱k bo̱do̱k Ye̱su̱ nogo, ize ne, “A̱vvu̱t labak ki i̱yo̱ko̱ ming i̱tto̱na̱na̱ Baba ko̱, ki̱tto̱nnu̱ng anna i̱ge̱t bu̱k.”

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Buk wa To̱ni̱a̱u̱ 13:26

“Gotonogga, doolik Aburahami, ki ol wak iróng een Ya̱u̱d o̱ngo̱o̱le̱ Ta̱mu̱ta̱dde̱n ko̱, izikttang da̱ ju̱rru̱m, i̱tto̱na̱i̱t Manyi agit do̱o̱k kaviyak cik ti̱ri̱ze̱nto̱ ko̱.

Buk wa To̱ni̱a̱u̱ 22:21

“Kar zin Manyi, kizeya ne, ‘Bito; ki̱tto̱ni̱ atin anna i̱nne̱t bit ngati reeni many ngati i̱do̱ngi̱nnu̱.’”

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:15

Korongi zin anna oroot kar ku̱du̱wa̱u̱ng kaviyak cik abunna i̱ge̱t ol cik Romi.

Roma 15:20

Korongi gon la̱du̱n kuwahek ol kaviyak cik abunna ngati ngen kaviyaha cik Ki̱ri̱sto̱ kuzuca. Iróng anna korongi keteehenyek ce̱e̱z ngati adawek e̱e̱ti̱ lolanya ciginnek.

Evesos 2:17

I̱ki̱ya̱ Ye̱su̱ kar kuwaheung i̱ge̱t ol cik iróng een Ya̱u̱d gano, ol balik aavtte reena ngati Ta̱mu̱ta̱dde̱no̱, imma naga olli Ya̱u̱do̱ kanyak gano ki Ta̱mu̱ta̱dde̱n eci naga kaavtte ojonun ki nonno.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 6:15

Uwait kaviyak cik abunna Ta̱mu̱ta̱dde̱no̱ anyaha gano, aanycik ku̱tu̱gu̱zzo̱ ki caava cik aimnyu niga zoone.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.