Roma 1:9 - Tennet

⁹ A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 1:9 ပူးပေါင်းရင်းမြစ်များ

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Lu̱ka̱ 18:1

A̱du̱wa̱k zin Ye̱su̱ nuyak ciginnek tubzenet cu, kar ki̱ye̱le̱k nogo abunna ming alaye nege odohize, iróng ungnek zoz necu lo̱o̱c.

Buk wa To̱ni̱a̱u̱ 12:5

Baling ngen Peturu aave lagama, alawek olli ke̱le̱ci̱o̱ nonno Ta̱mu̱ta̱dde̱n oroot.

Buk wa To̱ni̱a̱u̱ 19:21

Bali vu̱rrta̱, odola Pa̱u̱lo̱ kuk Jerusalema, iyok eci lo̱o̱c ci Macedonia ki Achaia. Kar zin Pa̱u̱lo̱ kize ne, “Ming kuzuca Jerusalem, korongi anna la̱du̱n kuzuca Roma bu̱k.”

Buk wa To̱ni̱a̱u̱ 24:14

Abarik zin, kelemna ngati kala Ta̱mu̱ta̱dde̱n wa ji̱ji̱ti̱gga̱c kize nuyait ci kanu gool ci Manyi Ye̱su̱, ci i̱yo̱ko̱ azi nege ne kanu anna gool ci gerze. Ka̱tu̱ anna do̱o̱k kaal wak orkor ki Lo̱ti̱nno̱k ki wak a̱ri̱tto̱u̱,

Buk wa To̱ni̱a̱u̱ 27:23

Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni,

Buk wa To̱ni̱a̱u̱ 3:26

Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”

Roma 9:1

Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

Ga̱la̱ti̱a̱ 1:20

Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.

Evesos 6:18

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

Vilipia 1:3

Ming ka̱a̱da̱nnu̱ng anna i̱ge̱t odohize, kanyike anna Ta̱mu̱ta̱dde̱n cinanni zany.

Vilipia 1:4

Kala anna Ta̱mu̱ta̱dde̱n odohize talninta, ming kalaye zo̱ze̱ cunno̱ng do̱o̱k.

Vilipia 2:22

Imma Ti̱mo̱te̱yo̱, a̱gga̱yyu̱ niga arizet cinne, ka̱li̱ngli̱ngnya̱ ki nonno bu̱k ngati kuwaheka ol kaviyak cik abunna, ogon enne ngatinanni ki do̱le̱c ci a̱li̱ngli̱ng ki baatinne.

Vilipia 3:3

Eci naga ol wak kanyak te̱di̱ne̱t wa een de̱de̱ kettede mu̱nye̱n zi̱nze̱tti̱nne̱ cigga̱c, cik kinnat Vongize ci Ta̱mu̱ta̱dde̱no̱, ki di̱ngdi̱nga̱ni̱ne̱t Ye̱su̱ Ki̱ri̱sto̱, iróng naga karikka zi̱nze̱tti̱ e̱le̱tti̱ cigga̱k,

1 Te̱se̱lo̱ni̱ka̱ 1:2

Kanyikka gon Ta̱mu̱ta̱dde̱n zany zo̱ze̱ cunno̱ng do̱o̱k, kabungnya zar ciggo̱k ming kalayya Ta̱mu̱ta̱dde̱n odohize.

1 Te̱se̱lo̱ni̱ka̱ 3:10

Kalayya gon Ta̱mu̱ta̱dde̱n tu̱p kaal zi̱nze̱tti̱nne̱ cik a̱wu̱ce̱ kar kaanyyet gool ci ki̱vo̱nnu̱ng abunna ming kedemezung ti̱lo̱wi̱nte̱ ci Ta̱mu̱ta̱dde̱no̱ ci a̱zze̱ tu̱we̱nte̱ cunno̱ng ko̱.

1 Te̱se̱lo̱ni̱ka̱ 5:17

alac Ta̱mu̱ta̱dde̱n odohize,

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.

Vilomene 1:4

Gotona tu̱we̱nta̱ Vilomene, kanyike anna odohize Ta̱mu̱ta̱dde̱n cinanni zany ming kokko ka̱a̱da̱nni̱ lawinte cinanni,