Roma 1:8 - Tennet

⁸ Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

Roma 1:8 ပူးပေါင်းရင်းမြစ်များ

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Lu̱ka̱ 2:1

Okko e̱rki̱te̱ neci abale Agusto alaan ci a̱ddi̱ki̱re̱ Romi ke̱ lo̱o̱c, i̱tto̱n zin enne zoz ci ovvoye olli Romi do̱o̱k te̱he̱ri̱ne̱t zar o̱ro̱gjo̱we̱.

Buk wa To̱ni̱a̱u̱ 11:28

Imma co̱de̱ ngatinne̱ng ci een zara Agabas, itinga je̱e̱na̱ Vongize ci Ta̱mu̱ta̱dde̱no̱ kar ku̱du̱wa̱ zoz ci azi ne, edeca atin magiz lo̱o̱cco̱k cik Romi ko̱ do̱o̱k. Akane zoz necu e̱rki̱te̱ bali abale Claudiusi alaani ci a̱ddi̱ki̱re̱ lo̱o̱c.

Buk wa To̱ni̱a̱u̱ 28:22

Abarik zin i̱yo̱ko̱ korongnya kar kizikta i̱no̱ni̱ cunne, eci ka̱gga̱yya̱ ozoz ol zoz ci gerze obod ki ol wak a̱tu̱ Ye̱su̱ lo̱o̱co̱we̱ do̱o̱k.”

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

Roma 6:17

E̱e̱ggi̱nnu̱ niga ba̱li̱ye̱ du̱cca̱k cik mu̱nye̱nu̱, abarik aanycik Ta̱mu̱ta̱dde̱n zany, eci niga iziktu de̱mzi̱ne̱t cinne, kar u̱zu̱tte̱ de̱mzi̱ne̱t neci zi̱nze̱tti̱nne̱ cuggo̱k.

1 Ko̱ri̱nto̱ 1:4

Kanyik gon anna odohize Ta̱mu̱ta̱dde̱n zany eci enne a̱a̱nyu̱ng deten cinne ngati Ye̱su̱ Ki̱ri̱sto̱.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

Evesos 1:15

Kiziya anna tu̱we̱ne̱t cunno̱ng a̱tu̱yyu̱ Manyi Ye̱su̱ ki rezinet ci irezzu niga olli Ta̱mu̱ta̱dde̱no̱ do̱o̱k.

Evesos 1:16

Imma zin zo̱ze̱ necu, kanyike gon anna Ta̱mu̱ta̱dde̱n zany odohize zo̱ze̱ cunno̱ng, ka̱a̱da̱nnu̱ng zin i̱ge̱t ngati kalawe Ta̱mu̱ta̱dde̱n odohize.

Evesos 3:21

Ki̱di̱ngdi̱nga̱ni̱t Ta̱mu̱ta̱dde̱n naga ol wak ka̱tu̱we̱ ko̱ udut, ki̱di̱ngdi̱nga̱ni̱t bo̱do̱k Ki̱ri̱sto̱ Ye̱su̱ bu̱u̱llo̱k ki bu̱u̱llo̱k. Nonno nenen.

Evesos 5:20

Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 1:3

Ming ka̱a̱da̱nnu̱ng anna i̱ge̱t odohize, kanyike anna Ta̱mu̱ta̱dde̱n cinanni zany.

Kolosiya 1:3

Kanyikka odohize Ta̱mu̱ta̱dde̱n Be̱e̱ti̱ Manyitinna Ye̱su̱ Ki̱ri̱sto̱ zany zo̱ze̱ cunno̱ng ming kalayya nonno,

1 Te̱se̱lo̱ni̱ka̱ 1:2

Kanyikka gon Ta̱mu̱ta̱dde̱n zany zo̱ze̱ cunno̱ng do̱o̱k, kabungnya zar ciggo̱k ming kalayya Ta̱mu̱ta̱dde̱n odohize.

1 Te̱se̱lo̱ni̱ka̱ 2:13

Kanyikka Ta̱mu̱ta̱dde̱n zany, baling kuwaktteung zoz cinne, iróng niga i̱no̱nnu̱ ming een zoz cinna̱ng. Elemttu zoz neci kize ci Ta̱mu̱ta̱dde̱no̱ de̱de̱, abaktte zin ol ne̱ke̱ zoz neci a̱tu̱ nege ke̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.

Vilomene 1:4

Gotona tu̱we̱nta̱ Vilomene, kanyike anna odohize Ta̱mu̱ta̱dde̱n cinanni zany ming kokko ka̱a̱da̱nni̱ lawinte cinanni,

I̱bu̱ru̱ 13:15

Abunna zin naga kinnat Ta̱mu̱ta̱dde̱n odohize zo̱ze̱ ci Ye̱su̱. Ogon inatinnet cinna ci kinnate Manyi ko̱ atubo ki muci ci kanyike naga nonno.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.