Roma 1:30 - Tennet

³⁰ a̱du̱wa̱k ol zoz ci gerze, amarine Ta̱mu̱ta̱dde̱n. A̱ppi̱k e̱le̱tti̱, ozozik ol gerzet, odong e̱le̱tti̱, i̱no̱n odohize gi̱i̱ imma ci gerze een jor. Iróng ol ne̱ko̱ o̱ngo̱o̱le̱ be̱e̱ti̱gge̱k.

Roma 1:30 ပူးပေါင်းရင်းမြစ်များ

Ma̱te̱yo̱ 15:4

Ki i̱yo̱ko̱, azi Ta̱mu̱ta̱dde̱n ne, ‘To̱ngo̱o̱lle̱ baatunne ki yaatunne,’ kar ‘ming anyak e̱e̱t imma ci ozoz gerzet ngati baatinne icima yaatinne, anyik ol ku̱ru̱we̱t nonno ka̱da̱k.’

Ma̱te̱yo̱ 16:21

Imma i̱i̱te̱ne̱ neci, akate Ye̱su̱ u̱du̱wa̱k nuyak ciginnek kokko enne la̱du̱n Jerusalema. Kar kuk kipira azzine cik lo̱ddi̱ki̱re̱ cik Ya̱u̱do̱ ki alaat cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱k wak Musesi, a̱ru̱we̱ atin enne kar kitinga daiza i̱i̱nya̱we̱ cik een i̱i̱yo̱.

Lu̱ka̱ 21:16

Ovvo atin ol rok be̱e̱ti̱ggo̱k ki gotonoggu ki boor ki gonoggu ovolongnyung i̱ge̱ta̱, ovvo atin bo̱do̱k a̱ru̱k ol u̱gge̱ ngatinno̱ng ka̱da̱i̱to̱.

Kaviyak wak Abunna Ta̱mu̱ta̱dde̱no̱ eher Joni 7:7

Iróng olli lo̱o̱tu̱ amarinnung, abarik amarinnan eci anna ka̱du̱wa̱ke̱ nogo kaal cik gerzek ogon nege.

Buk wa To̱ni̱a̱u̱ 5:36

Imma e̱rki̱nya̱ balik ke̱, i̱ye̱la̱ bali e̱e̱ti̱ ci een zara Theudos ele, azi ne een enne e̱e̱t ci riili bu̱k, kar ol cik e̱e̱ggi̱n obet we̱c kunuwet nonno. U̱ru̱we̱ zin enne, kar ol ciginnek do̱o̱k kazante ki̱zzi̱ gi̱i̱ imma to.

Roma 2:17

Ming anyak ol u̱gge̱ ngatinno̱ng, niga Ya̱u̱di̱ cik a̱nnu̱ ne ka̱gga̱yya̱ Ta̱mu̱ta̱dde̱n, ming arikku zi̱nze̱tti̱ lo̱ti̱nno̱k kar ngatu odongnyu e̱le̱tti̱;

Roma 2:23

Odongnyu niga e̱le̱tti̱ zo̱ze̱ ci lo̱ti̱nno̱u̱, imma ngatu iróng o̱ngo̱o̱li̱nnu̱ lo̱ti̱nno̱k, abarik anyakttau Ta̱mu̱ta̱dde̱n a̱li̱ya̱n.

Roma 3:27

Aanyyet zin i̱yo̱ko̱ Ta̱mu̱ta̱dde̱n bunnate cinne go̱o̱le̱ ci aarane ba̱ci̱nno̱k cigga̱c. Kanyak zin i̱yo̱ko̱ naga gool ci kadihize e̱le̱tti̱ zo̱ze̱ necu? I̱llo̱i̱ udut, aarannet enne mu̱nye̱n ming ka̱tu̱ naga Ye̱su̱, iróng een go̱o̱le̱ ci kazunne lo̱ti̱nno̱k.

2 Ko̱ri̱nto̱ 10:15

Iróng naga kodongnyya e̱le̱tti̱ kaale cik idimanit ol uggak, ki ci een agit cik kadimanna kaal ne̱ke̱. Abarik karikka zi̱nze̱tti̱ cigga̱c kar tu̱we̱ne̱t cunno̱ng kotore, kar li̱ngli̱ngo̱ni̱ cinna̱ng ki̱ddi̱ki̱r orgene cunno̱ng oroot.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

2 Te̱se̱lo̱ni̱ka̱ 2:4

Odong atin enne ele cinne kar kadang kaal cik Ta̱mu̱ta̱dde̱no̱ do̱o̱k, icima kaal cik a̱di̱ngdi̱nga̱n nonno, kar enne kaarik ele cinne Ce̱e̱z wa Ta̱mu̱ta̱dde̱no̱, azi ne ke̱e̱ni̱ Ta̱mu̱ta̱dde̱n.

2 Ti̱mo̱te̱yo̱ 3:2

Orong atin ol kaal do̱o̱k kizeto cigge̱k, kar bo̱do̱k kirezit o̱ro̱bi̱ya̱, a̱ppi̱k atin ol e̱le̱tti̱, odom ol e̱le̱tti̱ oroot, ogon kaal cik gerzek i̱ba̱ti̱ne̱, iróng ol ngen o̱ngo̱o̱le̱ be̱e̱ti̱gge̱k ki e̱e̱ti̱gge̱k. Iróng anyik ol zany icima o̱ngo̱o̱le̱ Ta̱mu̱ta̱dde̱n, abak baiz ci gerze.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

Je̱mi̱s 3:5

Ogon zin a̱ha̱tti̱ bu̱k niko, een a̱ha̱tti̱ gi̱i̱ cidici eliye ci e̱e̱t ci diiri, imma ngatu odong e̱e̱ti̱ ele a̱ha̱ta̱ kaale cik a̱ddi̱ki̱re̱. Icinnet ming atuz gwa̱a̱ cidici i̱rri̱t ci a̱ddi̱ki̱re̱.

Je̱mi̱s 4:16

Ki i̱yo̱ko̱ odongnyu niga e̱le̱tti̱ ko̱, een donginet e̱le̱tti̱ zoz ci lo̱rye̱nto̱.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.