Roma 1:3 - Tennet

³ Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 1:3 ပူးပေါင်းရင်းမြစ်များ

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Ma̱te̱yo̱ 1:1

A̱kku̱ Ye̱su̱ Ki̱ri̱sto̱ ngerrti Da̱vi̱de̱ tatuge ciko alaan wa een zara Da̱vi̱de̱ ki ngerrti Aburahami, een necu lelet ci tatug cinne̱ng.

Ma̱te̱yo̱ 1:16

een Ya̱ko̱bo̱ be̱e̱ti̱ Yosevo, okko Yosevo een mac ci Ma̱ri̱ya̱ wa okko a̱rri̱ta̱ Ye̱su̱, wa ovvo ol akannek zar cik een Ki̱ri̱sto̱.

Ma̱te̱yo̱ 1:6

Okko Jesse een be̱e̱ti̱ alaan ci azi zara ne Da̱vi̱de̱. Okko Da̱vi̱de̱ een be̱e̱ti̱ Solomoni wa bali een yaatinne ngaa ci Uriya.

Ma̱te̱yo̱ 12:23

U̱ku̱lte̱k zin ol do̱o̱k je̱e̱n, kar kizeto ne, “Een necu de̱de̱ Ngerrti Da̱vi̱de̱?”

Ma̱te̱yo̱ 15:22

I̱ki̱ya̱k zin ngaa ci iróng een Ya̱u̱d ko̱ Ye̱su̱, een enne olli Kanaani, abak enne o̱rge̱ neci, egereny zin je̱e̱na̱, “Manyi, Ngerrti Da̱vi̱de̱, eelawan! Apirna buweenyanni, anyak kuulo cik lo̱rye̱nta̱k.”

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Ma̱te̱yo̱ 27:43

Arike enne zinin cinne Ta̱mu̱ta̱dde̱n. Anyik Ta̱mu̱ta̱dde̱n kaara nonno i̱yo̱ko̱ niko, ming orong enne nonno, eci azi enne ne, ‘Ke̱e̱ni̱ Ngerrti Ta̱mu̱ta̱dde̱no̱.’”

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Ma̱te̱yo̱ 9:27

Imma baling owo Ye̱su̱ goola, unuwet zin ol cik een rama ru̱be̱ni̱k nonno, awalwal je̱e̱na̱, “Ngerrti Da̱vi̱de̱, eelawet agita!”

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Lu̱ka̱ 1:69

Anyahait enne agit e̱e̱t ci okkomi kize ti̱ri̱zo̱i̱t cinna ce̱e̱ze̱ ci du̱ca̱i̱t cinne Da̱vi̱de̱

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:34

Kicina nonno, ka̱nne̱kku̱ng ne een enne Ngerrti Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Kaviyak wak Abunna Ta̱mu̱ta̱dde̱no̱ eher Joni 10:36

imma anna, atahala Baba, kar ki̱tto̱na̱ ki̱ki̱ya̱k lo̱o̱c. Nya zin ci a̱du̱wa̱nnu̱ a̱nnu̱ ne odomi anna nonno zo̱ze̱ ci kazi ne, ‘Ke̱e̱ni̱ anna Ngerrti Ta̱mu̱ta̱dde̱no̱’?

Kaviyak wak Abunna Ta̱mu̱ta̱dde̱no̱ eher Joni 20:28

O̱bo̱de̱k zin Tomasi nonno zoz ci azi ne, “Manyi ki Ta̱mu̱ta̱dde̱n wananni!”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 5:25

Ka̱du̱wa̱kku̱ng zoz ci een de̱de̱, a̱kku̱ i̱i̱te̱ni̱, abarik i̱ki̱ya̱, aziye atin ol wak a̱da̱i̱to̱ muluk ci Ngerrti Ta̱mu̱ta̱dde̱no̱, kar ol ne̱k iziyyet ke̱ ingazi daiza.

Kaviyak wak Abunna Ta̱mu̱ta̱dde̱no̱ eher Joni 7:42

E̱he̱rye̱ Warage ci Ta̱mu̱ta̱dde̱no̱ azi ne, a̱kku̱ atin Ki̱ri̱sto̱ wa atahalai kize Ti̱ri̱zo̱i̱t biilete ci Da̱vi̱de̱, a̱rri̱ta̱i̱ o̱rge̱ ci een zara Betelem, o̱rge̱ bali abahe Da̱vi̱de̱ ke̱.”

Buk wa To̱ni̱a̱u̱ 2:30

Een zin bali enne a̱ri̱to̱i̱t ci a̱gga̱ olom ci u̱du̱wa̱k Ta̱mu̱ta̱dde̱n nonno ke̱, odola bali Ta̱mu̱ta̱dde̱n zo̱ze̱ ci a̱nne̱ke̱ Da̱vi̱de̱ ne kanyik atin do̱le̱c imma dooline ciginnek karagiz alaanzet cinne.

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

Buk wa To̱ni̱a̱u̱ 8:36

Ma baling ngen nege owo ke̱, u̱mu̱dda̱ maam u̱gge̱, kar zin e̱e̱ti̱ ci Ethiopio kize ne, “Cinno, maam iciko, ma wo̱ye̱ ming a̱gga̱me̱ka̱ ba̱ti̱ti̱mo̱?”

Buk wa To̱ni̱a̱u̱ 9:20

Uwak gon bo̱do̱k enne Ce̱e̱zi̱nne̱ wak Lawinto azi ne, een Ye̱su̱ Ngerrti Ta̱mu̱ta̱dde̱no̱.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 4:1

Ki̱no̱ni̱ zoz ci ji̱ji̱ti̱nna̱ Aburaham, elemi Ta̱mu̱ta̱dde̱n nonno kubunna go̱o̱le̱ jang?

Roma 9:3

Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

1 Ko̱ri̱nto̱ 1:9

Ogonekku̱ng atin Ta̱mu̱ta̱dde̱n zoz necu de̱de̱, ogon gon enne zoz ci u̱du̱wa̱ enne, nonno ci a̱a̱nyu̱ng gool ci owowonu ki Ngerinne Ye̱su̱ Ki̱ri̱sto̱ wa een Manyitinna.

1 Ko̱ri̱nto̱ 10:18

I̱no̱ni̱t da̱ niga keerani cik olli Israilo. Anyak ol u̱gge̱ ngatinne̱ng cik adak kaal cik apahek ol Ta̱mu̱ta̱dde̱n i̱te̱la̱.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Ti̱mo̱te̱yo̱ 2:5

Eci anyak Ta̱mu̱ta̱dde̱n co̱de̱ ṯok ki e̱e̱t ci een zoc co̱de̱ ṯok ci aave orgene ci Ta̱mu̱ta̱dde̱no̱ ki ol cik diirik, een enne Ki̱ri̱sto̱ Ye̱su̱,

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

2 Ti̱mo̱te̱yo̱ 2:8

I̱no̱na̱ Ye̱su̱ Ki̱ri̱sto̱ odohize, wa een ngerrti Da̱vi̱de̱ wa atahalai bali ingane Ta̱mu̱ta̱dde̱n nonno daiza. Een ne̱ko̱ kaviyak cik abunna cigannik.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 3:23

Een zin necu ti̱lo̱wi̱ne̱t cinne: Abunna ka̱tu̱we̱ zare cik Ngerinne Ye̱su̱ Ki̱ri̱sto̱, kar kirezit e̱le̱tti̱ cigga̱c do̱o̱k ki bali u̱du̱wa̱e̱t enne agit ke̱.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

1 Jon 4:15

Ming elemi e̱e̱ti̱ imma azi ne, een Ye̱su̱ Ngerrti Ta̱mu̱ta̱dde̱no̱, aave zoz ci Ta̱mu̱ta̱dde̱no̱ ngatinne, okko enne bu̱k aave zo̱ze̱ ci Ta̱mu̱ta̱dde̱no̱.

1 Jon 5:1

Ming a̱tu̱ e̱e̱ti̱ imma zoz ci azi ne Ye̱su̱ ci een Ki̱ri̱sto̱, een enne do̱le̱c ci Ta̱mu̱ta̱dde̱no̱. Ming irez e̱e̱ti̱ imma Be̱e̱ti̱nna̱ wa een Ta̱mu̱ta̱dde̱n, irez enne dooli ciginnek bu̱k.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

1 Jon 5:5

I̱llo̱i̱ e̱e̱t imma ci wo̱ye̱ ommog kaal cik gerzek lo̱o̱tu̱ ming iróng enne anyak tu̱we̱ne̱t ci a̱tu̱we̱ enne Ye̱su̱ ci een Ngerrti Ta̱mu̱ta̱dde̱no̱.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.

O̱no̱zzo̱k 2:18

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Thyatira waraga cu: E̱e̱ggi̱n ne̱ko̱ zo̱zzo̱k cik Ngerrti Ta̱mu̱ta̱dde̱no̱ wagon ogon ebere ciginnek kiwagon gwa̱a̱ ci alanyit ko̱, ovvo zoona ogon ki zu̱rte̱ne̱n wak gon apucan ol zee kataltalit.