Roma 1:18 - Tennet

¹⁸ I̱ye̱la̱i̱ mozinet ci aburne Ta̱mu̱ta̱dde̱n nong ngati ol wak abure zoz wainne een de̱de̱ ta̱mu̱-kenga, okko atin enne edez nogo. Anyike nege zoz ci gerze kize ci ommog zoz ci een de̱de̱.

Roma 1:18 ပူးပေါင်းရင်းမြစ်များ

Roma 1:19

Edez atin Ta̱mu̱ta̱dde̱n ol ne̱ke̱, eci nege a̱gga̱ Ta̱mu̱ta̱dde̱n, i̱ye̱la̱i̱ zoz cinne kicinnet ebere do̱o̱k, nonno ele ci adiman ki̱ye̱la̱i̱ ju̱rru̱m.

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Roma 1:32

Ming a̱gga̱ nege nu̱nu̱n ju̱rru̱m edez lo̱ti̱nno̱wa̱ cik abunna Ta̱mu̱ta̱dde̱no̱ ol daiza zo̱zzo̱we̱ cik ogon nege, ma̱i̱je̱ nege ogon oroot kar kelemtta ol cik ogon niko bu̱k.

Roma 2:3

Ming ettedik i̱nna̱ e̱e̱t ci diiri lo̱ki̱ko̱, imma ngatu ogoni kaal ne̱k gerzek ke̱, i̱no̱ni̱ i̱nna̱ de̱de̱ iróng atin Ta̱mu̱ta̱dde̱n ettedeki lo̱ki̱ko̱ ki ol ne̱ke̱ do̱o̱k nga̱to̱de̱?

Roma 3:9

Kazi wo̱ye̱ naga ne? Kommogja naga olli Ya̱u̱do̱ ol do̱o̱k? Iróng een niko. Ku̱du̱kta̱ wanai arrak naga oowa, kizeto ne abaccit ol do̱o̱k ngu̱me̱ ci Ta̱mu̱ta̱dde̱no̱, ming een e̱e̱ti̱ Ya̱u̱do̱c icima iróng een Ya̱u̱d.

Roma 4:15

Ming iróng e̱e̱ti̱ azunne lo̱ti̱nno̱k, aanyik Ta̱mu̱ta̱dde̱n komoze; gool co̱de̱ ci iróng anyike Ta̱mu̱ta̱dde̱n komoze, abunna ming iróng kanyak lo̱ti̱nno̱k.

Roma 5:6

Ma baling i̱zzi̱ gool ci kar naga keelttai e̱le̱tti̱ cigga̱c, i̱ki̱ya̱ zin Ki̱ri̱sto̱ ti̱ri̱zo̱i̱ti̱ i̱i̱te̱ne̱ ci odola Ta̱mu̱ta̱dde̱n kar ka̱da̱k mu̱nye̱ne̱ cigga̱c.

Roma 5:9

Idimantet zin bi̱ye̱ta̱ cik Ye̱su̱ wak a̱ddu̱ta̱i̱ ko̱ kubunnta ju̱rru̱m, eelawet mozinte ci Ta̱mu̱ta̱dde̱no̱, kar Manyi kelemait zo̱ze̱ necu.

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Kolosiya 3:6

Imma zin kaale cik gerzek anyak ol ko̱, okko atin anyaha zoz ci okko Ta̱mu̱ta̱dde̱n aburne nong oroot.

2 Te̱se̱lo̱ni̱ka̱ 2:10

ki kaale cik mu̱nye̱nu̱ a̱lu̱te̱ ol cik ovvo daiza. A̱da̱i̱ nege eci utuburet rezinet zoz ci een de̱de̱ kar zin nege ku̱mu̱dda̱ ti̱ri̱ze̱ne̱t.

2 Te̱se̱lo̱ni̱ka̱ 2:6

Kar i̱yo̱ko̱ a̱gga̱yyu̱ niga gi̱i̱ ci alam nonno, kar atin enne ki̱ki̱ya̱ ki̱ye̱la̱i̱ i̱i̱te̱n imma.