Roma 1:14 - Tennet

¹⁴ Aanya Ta̱mu̱ta̱dde̱n kuwahek kaviyak ne̱k abunna ko̱ ol cik een Gi̱ri̱k ki cik iróng een Gi̱ri̱k, kar bo̱do̱k kuwahek ol wak egenyi ki wak tarbalik.

Roma 1:14 ပူးပေါင်းရင်းမြစ်များ

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Lu̱ka̱ 10:21

Imma i̱i̱te̱n neci, anyak da̱ Ye̱su̱ talninet go̱o̱le̱ ci Vongiz ci A̱li̱le̱, kar kize ne, “Kinnatin, Baba, Manyi ta̱mu̱-keng ki lo̱o̱c, eci i̱nna̱ u̱lu̱gu̱nyu̱ kaal ciko ngati ol cik igenyi ki ol wak a̱gga̱ te̱he̱ri̱ne̱t, kar zin i̱nna̱ ye̱le̱k nogo dooli wak kidik. De̱de̱, Baba een necu gool ci abunna atalnine i̱nna̱.

Buk wa To̱ni̱a̱u̱ 22:21

“Kar zin Manyi, kizeya ne, ‘Bito; ki̱tto̱ni̱ atin anna i̱nne̱t bit ngati reeni many ngati i̱do̱ngi̱nnu̱.’”

Buk wa To̱ni̱a̱u̱ 28:2

Eeltawet ol ne̱k abak nginati ke̱, i̱ye̱lta̱ bunnat cinne̱ng. Ma baling akate ta̱mu̱ itil kar bo̱do̱k looci kalal, avaddet ol ne̱ke̱ agit do̱o̱k gwo̱o̱ kar naga ka̱vvu̱tte̱ya̱.

Buk wa To̱ni̱a̱u̱ 28:4

Baling icinnet nege uwat adak Pa̱u̱lo̱ kar ki̱ri̱me̱ a̱tte̱ cinne, izektek e̱le̱tti̱ cigge̱k do̱ ne, “U̱ru̱k i̱yo̱ko̱ e̱e̱ti̱ cu e̱e̱t imma; ming a̱vi̱ra̱ enne maame nu̱nu̱n, iróng ta̱mu̱ta̱dde̱n cinna ci etted zoz ju̱rru̱m ko̱ aanyik nonno kurug.”

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:22

Ming i̱no̱n nege azi ne, kegenya nu̱nu̱n, abarik izeto tarbale oroot.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 12:16

Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

Roma 13:8

Ru̱k ngabolet cigunnek olle do̱o̱k. Ogon rezinet ki ci kanyak naga nga̱bo̱lo̱, abunna zin kirez naga ol do̱o̱k, ming irez e̱e̱ti̱ imma gooni, azunne enne lo̱ti̱nno̱k cik Ta̱mu̱ta̱dde̱no̱.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

Roma 8:12

Gotonogga ki ngonogga tu̱we̱nta̱, iróng kaala cik gerzek mu̱nye̱nu̱ irez zi̱nze̱tti̱ ko̱ ngen abaleta, abunna kogon gi̱i̱ wa a̱du̱wa̱kke̱t Vongizi ci Ta̱mu̱ta̱dde̱no̱, gerza ming kogon kaal cik gerzek amin zi̱nze̱tti̱ cigga̱c.

1 Ko̱ri̱nto̱ 14:11

Ming iróng anna ka̱gga̱ zoz ci a̱du̱wa̱ e̱e̱ti̱ imma utuge ci iróng ka̱gga̱, ke̱e̱ni̱ anna i̱do̱nge̱ni̱t ngati e̱e̱t neci, een enne bu̱k i̱do̱nge̱ni̱t ngatinanni.

1 Ko̱ri̱nto̱ 14:16

Ming inati i̱nna̱ Ta̱mu̱ta̱dde̱n vongize cunne, iróng wo̱ye̱ e̱e̱ti̱ ci aavtiyyu ki i̱nne̱t ojonun ko̱ a̱gga̱ gool kar kize ne, “Amen” eci enne iróng a̱gga̱ inati i̱nna̱ Ta̱mu̱ta̱dde̱n zo̱ze̱ ci niyo.

1 Ko̱ri̱nto̱ 2:13

Okko zoz ci kozoz naga ko̱ do̱o̱k, iróng een de̱mzi̱ne̱t ci anyaha genyizi ci e̱e̱t ci diiri, abarik edemezet Vongizi ci Ta̱mu̱ta̱dde̱no̱, edemezet zoz ci Vongizo wa een de̱de̱.

1 Ko̱ri̱nto̱ 3:18

Ma a̱lu̱tu̱ e̱le̱tti̱ cuggo̱k. Ming i̱no̱n e̱e̱ti̱ imma ngatinno̱ng azi ne kegenyi kaale cik baiz cu, abunna zin abarik ming aanyik ele kize tarbal, kar enne kumuda genyiz.

2 Ko̱ri̱nto̱ 10:12

Imma ol ne̱k adangnya annit a̱du̱wa̱k ol u̱gge̱ azi ne kabunanna nege. Ming ommogja nege annit de̱de̱, iróng wo̱ye̱ anna kovocak nogo zoz kar kize ne katubonna ki nogo. Abarik iróng nege egenyi.

2 Ko̱ri̱nto̱ 11:19

Ming i̱no̱nnu̱ niga egenyyu oroot niko, abarik atali ngati abakku ki de̱me̱zzo̱k wak tarbalik.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.