Roma 1:13 - Tennet

¹³ Gotonogga ki ngonogga tu̱we̱nta̱, korongnyung abunna ming a̱gga̱yyu̱ kodola anna kar ki̱ki̱ya̱ ki̱vo̱nnu̱ng lak cik meelek giir, abarik anyak kaal cik alamnyan. Korongi gon gool ci kokko ka̱li̱ngli̱nge̱ ju̱rru̱m ngatinno̱ng kar ol ki̱vi̱ta̱k Ta̱mu̱ta̱dde̱n ki bali ming ka̱li̱ngli̱nge̱k ol wak iróng een Ya̱u̱d ke̱, kar kelemtta Ye̱su̱ Ki̱ri̱sto̱.

Roma 1:13 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 12:24

Ka̱du̱wa̱kku̱ng zoz ci een de̱de̱, iróng labitot aave udut ming iróng i̱i̱na̱k lo̱o̱c kumunye, orong kumunye arrak. Ming okko i̱i̱na̱k lo̱o̱c umunye kar ki̱ti̱li̱zza̱, anyaha i̱nyo̱mo̱ cik meelek.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 4:36

A̱ru̱we̱k ol o̱ro̱bi̱ya̱ ol cik aciryanne kar kulutet kize cik ruget wa aave udut; kar ol wak arire ki ol wak aciryanne katalit nege do̱o̱k.

Buk wa To̱ni̱a̱u̱ 1:15

Imma bali i̱i̱nya̱we̱ ne̱ke̱, itinga Peturu je̱e̱na̱ orgene ci ol cik a̱tu̱we̱ ko̱. E̱e̱ggi̱n nege o̱bo̱n co̱de̱ ki moten rama (120).

Buk wa To̱ni̱a̱u̱ 14:27

Baling a̱ra̱yya̱ nege Antiyok, u̱tu̱yya̱ ol wak a̱tu̱we̱ do̱o̱k kar ku̱du̱kta̱k kaal cik u̱tu̱gu̱we̱k Ta̱mu̱ta̱dde̱n nogo ki bo̱do̱k ol wak iróng een Ya̱u̱d u̱tu̱we̱t Ye̱su̱.

Buk wa To̱ni̱a̱u̱ 15:12

Ijjakte ol do̱o̱k li̱i̱m, ngati azzikne nege Pa̱u̱lo̱ ki Barnabas a̱du̱wa̱k nogo kaal cik a̱vu̱la̱ u̱tu̱gu̱we̱k Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci u̱tu̱gu̱zzo̱ nege.

Buk wa To̱ni̱a̱u̱ 19:21

Bali vu̱rrta̱, odola Pa̱u̱lo̱ kuk Jerusalema, iyok eci lo̱o̱c ci Macedonia ki Achaia. Kar zin Pa̱u̱lo̱ kize ne, “Ming kuzuca Jerusalem, korongi anna la̱du̱n kuzuca Roma bu̱k.”

Buk wa To̱ni̱a̱u̱ 21:19

Izza zin Pa̱u̱lo̱ nogo do̱o̱k kar zin koobek nogo kaal cik ogonik Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱nte̱ ci u̱tu̱gu̱ Pa̱u̱lo̱.

Buk wa To̱ni̱a̱u̱ 28:14

Kurubta gotonogget u̱gge̱ wak a̱tu̱ zoz ci Ye̱su̱, awuyet agit ka̱vvu̱ta̱ ki nogo i̱i̱nya̱ turgerem. Kar zin naga ko̱o̱tta̱ ki Roma.

Roma 1:12

kar anna ki i̱ge̱t do̱o̱k kizocet tu̱we̱ne̱t cinna kokkomit ne kak.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

Roma 7:1

Gotonogga ki ngonogga tu̱we̱nta̱, a̱gga̱yyu̱ niga abal lo̱ti̱nno̱wa̱ e̱e̱t ming ngen aruge.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 10:1

Gotonogga ki ngonogga tu̱we̱nta̱, korongnyung i̱ge̱t abunna ming a̱gga̱yyu̱ gi̱i̱ bali ogonik Ta̱mu̱ta̱dde̱n ji̱ji̱ti̱gga̱c balik annu Muses ke̱. A̱bu̱ng bali nogo di̱i̱z zee kettedit nyatapar labak.

1 Ko̱ri̱nto̱ 12:1

I̱yo̱ko̱ gotonogga ki ngonogga tu̱we̱nta̱, kozozi zoz ci arizet ci aanyyet Vongizi ci Ta̱mu̱ta̱dde̱no̱, korongnyung abunna ming a̱gga̱yyu̱ kaale ne̱ko̱ do̱o̱k.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

1 Ko̱ri̱nto̱ 9:2

Ma wo̱ye̱ nu̱nu̱n ming iróng ol uggak aanya annit kize to̱ni̱a̱t ci Manyi Ye̱su̱, ke̱e̱ni̱ zin anna to̱na̱i̱t de̱de̱ ngatinno̱ng. Ma̱i̱je̱ niga, ka̱gga̱ anna aanyang annit kize to̱na̱i̱t cinne, eci niga a̱tu̱yyu̱ Ye̱su̱ go̱o̱le̱ ci kedemezung anna ngati keene to̱na̱i̱t cinne.

2 Ko̱ri̱nto̱ 1:8

Gotonogget ki ngonogget tu̱we̱nta̱, korongnyya abunna ming a̱gga̱yyu̱ pirnanet bali kapirnanna naga lo̱o̱ce̱ ci een Asia. Kapirnanna pirnanet ci a̱u̱ce̱ oroot, kize ojon daizi.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

Ga̱la̱ti̱a̱ 3:15

Gotonogga ki ngonogga tu̱we̱nta̱, ja i̱yo̱ko̱ ku̱du̱wa̱ gi̱i̱ ci i̱ya̱bzo̱ni̱k e̱e̱t ci diiri baiza zo̱ze̱ necu. Imma ming u̱tu̱gu̱zzo̱ ol cik een ram olom cinne̱ng kiwagon ming etted to̱o̱le̱c, iróng atin e̱e̱ti̱ co̱de̱ ngatinne̱ng uhu icima egerzan olom neci.

Ga̱la̱ti̱a̱ 6:18

Gotonogga ki ngonogga tu̱we̱nta̱, anyik deten ci Manyitinna Ye̱su̱ Ki̱ri̱sto̱ ka̱vvu̱ baize icima vongize cunno̱ng. Nonno nenen, amin.

Vilipia 1:22

Iróng anna ka̱gga̱ kar katahala nya. Abarik kabai zin anna kar ki̱li̱ngli̱ng zoz ci abunna ngu̱me̱ ci Ta̱mu̱ta̱dde̱no̱.

Vilipia 4:17

Iróng zin anna korongi muci cuggo̱k, abarik korongi kaal cik okko Ta̱mu̱ta̱dde̱n a̱mu̱yu̱kku̱ng.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

1 Te̱se̱lo̱ni̱ka̱ 2:18

Korongnya la̱du̱n kobodaung. Korongi gon anna Pa̱u̱lo̱ ele kobodaung lak cik meelek, iróng zin Sitani orongnyet kurumto.

1 Te̱se̱lo̱ni̱ka̱ 4:13

Gotonogga ki ngonogga tu̱we̱nta̱, korongnyung a̱gga̱c zoz ci een de̱de̱ obod ki ol wak a̱tu̱we̱ a̱da̱i̱to̱. Iróng korongnyung i̱ge̱t u̱tu̱lu̱z ki ol wak iróng arike zi̱nze̱tti̱ zoz ci baiz wa ovvo ol wak a̱da̱i̱to̱ obodane.

2 Te̱se̱lo̱ni̱ka̱ 2:7

Eci doizi ci e̱e̱t ci mu̱nye̱nu̱ a̱lu̱gnye̱ ko̱ i̱li̱ngli̱ng la̱du̱n; ma̱i̱je̱ e̱e̱ti̱ ci alam nonno i̱yo̱ko̱ ko̱, ngen a̱gga̱me̱k vu̱rru̱t zee kaara nonno goola.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.