Roma 1:1 - Tennet

¹ Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

Roma 1:1 ပူးပေါင်းရင်းမြစ်များ

Marko 1:14

Ma baling e̱ce̱bje̱ Joni Ba̱ti̱ti̱mo̱ lagama, uk Ye̱su̱ lo̱o̱ce̱ ci Ga̱li̱li̱, uwahek ol kaviyak cik abunna Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 15:15

Iróng bo̱do̱k anna kawuyyung izet du̱cca̱k, eci du̱ca̱i̱ti̱ iróng a̱gga̱ li̱ngli̱ngo̱n ci ogon ddi̱ki̱ryo̱i̱ti̱ cinne. Kawuyyung abarik anna i̱ge̱t izet gonogga, eci kedemezung kaal do̱o̱k wak kedemeza anna ngati Baba.

Kaviyak wak Abunna Ta̱mu̱ta̱dde̱no̱ eher Joni 15:20

A̱a̱dda̱ zoz bali ku̱du̱wa̱u̱ng ke̱. I̱llo̱i̱ du̱ca̱i̱t ci a̱ddi̱ki̱re̱ ngati ddi̱ki̱ryo̱i̱t cinne. Ming a̱gi̱dda̱ nege annit, a̱gi̱ddu̱ng atin nege i̱ge̱t bu̱k. Ming o̱ngo̱o̱le̱ nege de̱mzi̱ne̱t cinanni, o̱ngo̱o̱le̱ atin nege de̱mzi̱ne̱t cunno̱ng bu̱k.

Buk wa To̱ni̱a̱u̱ 13:9

Imma zin Sauli wa een bo̱do̱k zara uggak Pa̱u̱lo̱ ko̱, anyak Vongiz ci A̱li̱le̱, egelem zin enne Elymas e̱e̱t wa a̱ru̱k agura ko̱, kar kize ne,

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:40

Ma baling anyik ddi̱ki̱ryo̱i̱ti̱ wa a̱ddi̱ki̱re̱ nonno kozoz, ibil Pa̱u̱lo̱ abanyca, kar zin ki̱ti̱va̱n koole. Baling ijaktte nege do̱o̱k, ozozek zin enne nogo utuge ci Aramaik, a̱nne̱k ne:

Buk wa To̱ni̱a̱u̱ 22:21

“Kar zin Manyi, kizeya ne, ‘Bito; ki̱tto̱ni̱ atin anna i̱nne̱t bit ngati reeni many ngati i̱do̱ngi̱nnu̱.’”

Buk wa To̱ni̱a̱u̱ 22:7

Ku̱yu̱we̱ anna kar zin kizik muluk ci a̱nne̱ka̱ ne, ‘Saul! Saul! Nyaa ming a̱gi̱dda̱ i̱nna̱ annita ko̱?’

Buk wa To̱ni̱a̱u̱ 26:1

Iizek zin Agirippa Pa̱u̱lo̱ ne, “Kaanyi zoz zoz cunne eliya.” Odong Pa̱u̱lo̱ a̱zzi̱t kar zin enne ku̱du̱wa̱ zoz cinne:

Buk wa To̱ni̱a̱u̱ 26:14

Kudukta naga do̱o̱k lo̱o̱c, kar zin kizik muluk ci ozozika utuge ci Aramaik azi ne, ‘Saul, Saul, nyaa ming a̱gi̱dda̱ niko ko̱? Okkomi ngatunne kar ru̱k ele cunne coola.’

Buk wa To̱ni̱a̱u̱ 27:23

Imma be̱le̱ja̱ a̱kku̱nna̱ka̱ anjilo ngati Ta̱mu̱ta̱dde̱n ci kala anna ko̱ kar bo̱do̱k ki̱li̱ngli̱nge̱k nonno, i̱ki̱ya̱ ibil abanyca ngatinanni,

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:16

Iróng anna ko̱ngo̱o̱le̱ kar kuwahek ol kaviyak cik abunna, eci kaviyaha anyak doiz ci Ta̱mu̱ta̱dde̱no̱ anyike ol wak elemi nonno do̱o̱k ti̱ri̱ze̱ne̱t. Kuwahek anna kaviyak ne̱ko̱ arrak Ya̱u̱d, kar zin ol wak iróng een Ya̱u̱d.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 11:13

Korongi kozozeung i̱ge̱t ol cik iróng e̱e̱ggi̱nnu̱ Ya̱u̱d ko̱, i̱tto̱na̱na̱ Ta̱mu̱ta̱dde̱n kar kize to̱ni̱a̱t ci Ye̱su̱, ka̱li̱ngli̱ngi̱ zoz cinne orgene ci ol cik iróng e̱e̱ggi̱n Ya̱u̱d. Katalne anna oroot li̱ngli̱ngo̱ne̱ necu.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 15:29

Ka̱gga̱ ming kokko ki̱vo̱nnu̱ng, a̱ma̱yu̱kke̱t atin Ki̱ri̱sto̱ agit do̱o̱k.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 1:1

Annita Pa̱u̱lo̱ wa bali atahala Ta̱mu̱ta̱dde̱n zo̱ze̱ cinne kize to̱ni̱a̱t ci Ye̱su̱ Ki̱ri̱sto̱ ki gotonet tu̱we̱nta̱ wa een zara Sosthenes ci keherakkung waraga necu i̱ge̱t olli Ta̱mu̱ta̱dde̱no̱.

1 Ko̱ri̱nto̱ 9:1

Abunna zin niga ming a̱gga̱yyu̱ kowo anna labak i̱llo̱i̱ gi̱i̱ ci adiryan kaale cik lo̱o̱tu̱. Ke̱e̱ni̱ anna to̱ni̱a̱t ci Manyi Ye̱su̱ Ki̱ri̱sto̱. Kicina anna Ye̱su̱ Manyitinna. E̱e̱ggi̱nnu̱ niga ol balik kuwahekkung kaviyak cik Manyi ke̱ bak elemannu zoz cinne.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 11:5

Ka̱gga̱ anna azi gon to̱ni̱a̱ha̱ cik volongak ne ke̱e̱ggi̱nna̱ nege to̱ni̱a̱k cik Ta̱mu̱ta̱dde̱no̱ riilik do̱o̱k, iróng zin nege ommogja annita.

2 Ko̱ri̱nto̱ 11:7

Kabaca bong da̱ anna baling kobodane ele kar kodong zar cuggo̱k ngati kuwahekkung kaviyak cik abunna Ta̱mu̱ta̱dde̱no̱ ci iróng ka̱gga̱ma̱nnu̱ng o̱ro̱bi̱ya̱?

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 2:12

Baling kuwa o̱rge̱ ci een Troas kar kuwahek ol kaviyak cik abunna Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek,

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

Ga̱la̱ti̱a̱ 1:1

Keheri anna Pa̱u̱lo̱ waraga cu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n cinne, ke̱e̱ni̱ to̱ni̱a̱t ci kuwahek ol zoz ci Ye̱su̱. Iróng ahalana e̱e̱ti̱ ci diiri, icima zu̱we̱ cik ahalanan. I̱tto̱na̱na̱ annit Ye̱su̱ Ki̱ri̱sto̱ ele ki Ta̱mu̱ta̱dde̱n wa een Be̱e̱ti̱nna̱ bali ingane Ye̱su̱ daiza ke̱.

Evesos 1:1

Annita Pa̱u̱lo̱ wa ke̱e̱ni̱ to̱ni̱a̱t ci Ye̱su̱ Ki̱ri̱sto̱ zo̱ze̱ ci odola Ta̱mu̱ta̱dde̱n ci keheri warage cu ko̱. Keherik olli Ta̱mu̱ta̱dde̱no̱ ki ol wak a̱tu̱ zoz ci Ye̱su̱ Ki̱ri̱sto̱ ke̱le̱ci̱e̱ ci orog ci een Ephesus.

Evesos 1:13

Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Kolosiya 1:1

Annita Pa̱u̱lo̱ ci keheri waraga cu, ki Ti̱mo̱te̱yo̱ wa een gotona tu̱we̱nta̱, atahala annit Ta̱mu̱ta̱dde̱n kar kize to̱na̱i̱t ci Ye̱su̱ Ki̱ri̱sto̱.

Kolosiya 1:25

Kiize anna du̱ca̱i̱t ci ol wak a̱tu̱we̱ eci Ta̱mu̱ta̱dde̱n atahala annita, kar kaanya li̱ngli̱ngo̱n necu kar ku̱du̱wa̱u̱ng zoz cinne do̱o̱k.

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

1 Te̱se̱lo̱ni̱ka̱ 2:8

Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.

1 Te̱se̱lo̱ni̱ka̱ 2:9

Gotonogga wak tu̱we̱nta̱, a̱a̱da̱nnu̱ ri̱t niga bu̱k li̱ngli̱ngo̱n bali gon a̱ppwe̱ kapirnanna wazin ki ba̱a̱li̱n do̱o̱k kar iróng ka̱ggi̱ddu̱ng kaale cik een da̱i̱ne̱t ngati kamitanekkung kaviyak cik abunna Ta̱mu̱ta̱dde̱no̱.

1 Ti̱mo̱te̱yo̱ 1:1

Ki̱tto̱na̱ki̱ waraga cu anna Pa̱u̱lo̱ to̱ni̱a̱ti̱ ci Ye̱su̱ Ki̱ri̱sto̱, wa bali atahala Ta̱mu̱ta̱dde̱n wa een Ti̱ri̱zo̱i̱t cinna ki Ye̱su̱ Ki̱ri̱sto̱ ci karike naga zi̱nze̱tti̱ ko̱.

1 Ti̱mo̱te̱yo̱ 2:7

Atahala Ta̱mu̱ta̱dde̱n annit kize zoc ki to̱ni̱a̱t ci kedemezek ol cik iróng een Ya̱u̱d tu̱we̱ne̱t ci een de̱de̱. Iróng kovolongi, ka̱du̱wa̱ zoz ci een de̱de̱.

2 Ti̱mo̱te̱yo̱ 1:11

Atahala Ta̱mu̱ta̱dde̱n kize to̱ni̱a̱t ci Ye̱su̱ kar kuwahek ol kaviyak cik abunna, kar bo̱do̱k kize de̱me̱zo̱i̱t ci zoz neci.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

I̱bu̱ru̱ 5:4

I̱llo̱i̱ e̱e̱t imma ci wo̱ye̱ okkoye li̱ngli̱ngo̱n necu o̱o̱we̱ cinne, Ta̱mu̱ta̱dde̱n do̱ niko ci ahala e̱e̱t ki baling ahala enne e̱e̱t ci een zara Aaron kize alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

1 Peturu 4:17

Ize ojon i̱i̱ wa okko Ta̱mu̱ta̱dde̱n apahek ol waginnek lo̱ki̱ko̱. Ming akatai lo̱ki̱ko̱ neci ngatinna een wo̱ye̱ zoz ku̱ ngati ol wak abure kaviyak waginnek abunna. Azi Warage ci Ta̱mu̱ta̱dde̱no̱ ne,

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 22:6

A̱nne̱ka̱ zin anjilo ne, “E̱e̱ggi̱n zo̱zzo̱wa̱ ne̱ke̱ de̱de̱. Okko Manyi Ta̱mu̱ta̱dde̱n wa a̱gga̱m vongizzok cik a̱ri̱tto̱u̱ ko̱ i̱tto̱na̱ anjilo cinne ki̱ye̱le̱k du̱cca̱k ciginnek kaal cik ovvo atin i̱i̱na̱ ataman.”

O̱no̱zzo̱k 22:9

Ma̱i̱je̱ enne a̱nne̱ka̱ ne, “Ma ogoni zoz necu! Ke̱e̱ni̱ anna du̱ca̱i̱t ci Ta̱mu̱ta̱dde̱no̱ ki i̱nne̱ta̱ bu̱k, ki gotonogget wak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱ ki ol wak azunne zoz ci e̱he̱rye̱ buwe cu. Di̱ngdi̱nga̱n Ta̱mu̱ta̱dde̱n do̱ niko!”