O̱no̱zzo̱k 9:4 - Tennet

⁴ U̱du̱kta̱k zin giroc ne̱ke̱ gerza ming adak arte cik lo̱o̱tu̱, icima keen u̱gge̱ icima arte, abarik nege adak ol cik iróng anyak baayenit ci Ta̱mu̱ta̱dde̱no̱ ngu̱mtti̱nne̱ cigge̱k.

O̱no̱zzo̱k 9:4 ပူးပေါင်းရင်းမြစ်များ

Lu̱ge̱z 12:23

Ming okko Manyi owoye lo̱o̱c ci Masiro, a̱ru̱k olli Masiro, acin atin enne bi̱ye̱ tatugete cik olli Israilo kar enne ka̱va̱rda̱ng ce̱e̱zi̱ cigge̱k, iróng zin enne aanyik zeret ki̱tto̱ ce̱e̱zi̱ ciggo̱k ku̱ru̱k dooli.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

O̱no̱zzo̱k 14:1

Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 6:6

Kar zin anna kizik gi̱i̱ ci oroi kiwagon mului ci kaal cik e̱e̱ggi̱n we̱c aruge orgene cinne̱ng, azi ne, “Anyik uduc ci labinu kize ci a̱li̱ngli̱nge̱ e̱e̱ti̱ i̱i̱te̱n co̱de̱, kar uduce i̱i̱yo̱ cik laziyenu kizeto cik a̱li̱ngli̱nge̱ e̱e̱ti̱ i̱i̱te̱n co̱de̱, kar zin, ma egerzannu maal ki merte!”

O̱no̱zzo̱k 7:1

Imma bali vu̱rrta̱ kicina anna Joni anjilonya we̱c cik abile o̱to̱ cik lo̱o̱tu̱ e̱e̱ggi̱n we̱c ko̱, alam ngoot ci lo̱o̱tu̱ kar iróng ngooti a̱ti̱k lo̱o̱c, icima nyatapar ci a̱ddi̱ki̱re̱ icima keet imma.

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.