O̱no̱zzo̱k 9:2 - Tennet

² Baling okko enne oo lo̱o̱k neci, iyowa bbu̱rre̱ti̱ ci ogon ki bbu̱rre̱ti̱ ci a̱ppwe̱ atuz nginti a̱ddi̱ki̱re̱. Izeto i̱i̱ ki ta̱mu̱-keng do̱o̱k gi̱da̱nge̱ ne ter zo̱ze̱ ci bbu̱rre̱t neci iyowa lo̱o̱we̱ neci wu̱u̱ni̱ ke̱.

O̱no̱zzo̱k 9:2 ပူးပေါင်းရင်းမြစ်များ

Kananet 15:17

Baling i̱tto̱ i̱i̱, ize looci ba̱a̱li̱n, i̱ye̱la̱i̱ i̱jjo̱ ci a̱bbu̱rru̱t ki urez ci atukule kar kotozzo orgene ci i̱di̱ ne̱ke̱.

Kananet 19:28

Edev zin enne o̱to̱n ci Sodomi ki Gomorrah, ki bo̱do̱k nginti okko ki mu̱u̱r do̱o̱k, edenya enne bbu̱rre̱t ci a̱ppwe̱ ingazi lo̱o̱ce̱ neci, ogon ki bbu̱rre̱ti̱ ci iyowa zara.

Lu̱ge̱z 19:18

Imma be ci een Sinai ko̱ u̱bu̱ng bbu̱rre̱ti̱ veelek, eci Manyi ulucak be gwo̱o̱ya̱. Iyowa bbu̱rre̱ti̱ biya ogon ki ci iyowa caala, otomowe be veelek ki ci een looci jo̱o̱re̱,

Buk wa To̱ni̱a̱u̱ 2:19

Ki̱ye̱la̱ atin anna kaal cik aanyik ol ka̱ma̱li̱ltte̱ o̱o̱tti̱ ta̱mu̱-kenga, ki kaal cik a̱vu̱la̱ lo̱o̱ta̱ ngatu todowai, oowa atin ol bi̱ye̱ ki gwo̱o̱ ci anyak bbu̱rre̱t ci gi̱da̱ngi̱.

O̱no̱zzo̱k 14:11

Kar bbu̱rre̱ti̱ ci a̱gi̱dde̱ ol nogo ko̱ ottod udut. I̱llo̱i̱ i̱i̱te̱n imma ci i̱ye̱be̱ze̱ nege waz icima ba̱a̱l ngati ol wak a̱di̱ngdi̱nga̱n e̱le̱gi̱t ki ri̱ri̱to̱n cinne, icima e̱e̱t imma ci anyak baayenit ci zar ciginnek.”

O̱no̱zzo̱k 16:10

U̱ddu̱te̱k zin anjilo wa een tu̱r ko̱ uduc cinne lecer ci e̱le̱gi̱t ci mooti ko̱, u̱ju̱ko̱zi̱k zin alaanzet cinne nginti mu̱hu̱ri̱. Adait ol a̱ha̱tti̱ cigge̱k ngati abalace,

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.

O̱no̱zzo̱k 9:11

Anyak nege alaan ci abal nogo een anjilo ci a̱kku̱ lo̱o̱we̱ neci wu̱u̱ni̱ ke̱, een zara ciginnek utuge ci olli I̱bu̱ru̱ ko̱ ne Abaddon, kar utuge ci Gi̱ri̱yo̱ een zara Apollyon.

O̱no̱zzo̱k 9:17

Kicina o̱no̱zo̱we̱ vartange ki ol cik ottod nogo ko̱ ming anyak kaal ciko: Anyak gi̱i̱ ci aim nege zi̱nze̱tti̱nne̱ ko̱ guulnya ciko, ma̱ri̱k kiwagon gwa̱a̱, culak ki ci gi̱da̱ng kar bo̱do̱k kize maan kiwagon bu̱rru̱co̱c ecito. Ovvo o̱o̱tti̱ cik vartangenu atubo ki o̱o̱tti̱ cik maattu, ovvo u̱tu̱ge̱tti̱ne̱ cigge̱k iyowa gwa̱a̱ ki bbu̱rre̱t ki bbu̱u̱r.