O̱no̱zzo̱k 9:17 - Tennet

¹⁷ Kicina o̱no̱zo̱we̱ vartange ki ol cik ottod nogo ko̱ ming anyak kaal ciko: Anyak gi̱i̱ ci aim nege zi̱nze̱tti̱nne̱ ko̱ guulnya ciko, ma̱ri̱k kiwagon gwa̱a̱, culak ki ci gi̱da̱ng kar bo̱do̱k kize maan kiwagon bu̱rru̱co̱c ecito. Ovvo o̱o̱tti̱ cik vartangenu atubo ki o̱o̱tti̱ cik maattu, ovvo u̱tu̱ge̱tti̱ne̱ cigge̱k iyowa gwa̱a̱ ki bbu̱rre̱t ki bbu̱u̱r.

O̱no̱zzo̱k 9:17 ပူးပေါင်းရင်းမြစ်များ

Kananet 19:24

U̱ddu̱ta̱k zin Manyi lo̱o̱c gwo̱o̱ kiwagon ta̱mu̱ ming alanyit oroot o̱ro̱gjo̱we̱ cik Sodomi ki Gomorrah.

O̱no̱zzo̱k 11:5

Ming orong e̱e̱ti̱ imma ki̱gi̱d nogo, iyowa atin gwa̱a̱ u̱tu̱ge̱tti̱ne̱ cigge̱k kar kidita mo̱ddo̱ cigge̱k. Ming atiman e̱e̱ti̱ imma ki̱gi̱d nogo, a̱ru̱we̱ atin go̱o̱le̱ necu ka̱da̱k.

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.

O̱no̱zzo̱k 19:20

Ma̱i̱je̱ zin da̱ e̱le̱gi̱ti̱ a̱gga̱me̱, nonno ki a̱ri̱to̱i̱t ci volongo, ogonek nege kaal cik a̱vu̱la̱ ko̱ e̱le̱gi̱t. Imma zo̱ze̱ ci a̱vu̱la̱ u̱tu̱gu̱ enne ke̱, alaba enne ol wak anyak baayenit ci e̱le̱gto̱ kar ki̱di̱ngdi̱nga̱ni̱t ri̱ri̱to̱n cinne. Kar rama ngatinne̱ng ku̱ju̱kto̱zi̱k rugetet gwo̱o̱ ci apadpadi oroot.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 21:20

okko be ci i̱ti̱re̱ne̱ a̱lu̱wa̱ een tu̱r ko̱ een zara sardony, okko ci een torkonom ko̱ een zara carnelian, okko ci een turgerem ko̱ een zara chrysolite, okko ci een tu̱rge̱ ko̱ een zara beryl, okko ci een torkoc ko̱ een zara topaz, okko ci een omoto ko̱ een zara chrysoprase, okko ci een omoto ki co̱de̱ een zara jacinth, kar zin ci een omoto ki ram ko̱ een zara amezyst.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”

O̱no̱zzo̱k 9:18

Ovvo ol lo̱lo̱i̱t cidici lo̱o̱ta̱ ngatu a̱ru̱we̱ ka̱da̱i̱to̱ zerenine cik e̱e̱ggi̱n i̱i̱yo̱ gwo̱o̱yo̱, bbu̱rre̱t ki bbu̱u̱r ci iyowa u̱tu̱ge̱tti̱ne̱ cigge̱k.

O̱no̱zzo̱k 9:9

Anyak nege zi̱nze̱tti̱nne̱ gi̱i̱ ci adimanai ziiye. Ma̱i̱je̱ ṯaabana cigge̱k abadi kiwagon vartange cik meelek a̱gu̱ru̱t toromilet ovvo illa.