O̱no̱zzo̱k 9:1 - Tennet

¹ Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.

O̱no̱zzo̱k 9:1 ပူးပေါင်းရင်းမြစ်များ

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Lu̱ka̱ 8:31

Ilalttek zin kuulo ne̱ke̱ Ye̱su̱ gerza ming ottok nogo koot lo̱o̱wa̱.

Roma 10:7

“Icima ‘Ngene ci atin okko todowai lo̱o̱ta̱ mininge kar kitingawe nonno daiza kurug?’” (Een necu kar e̱e̱ti̱ kanyaha Ki̱ri̱sto̱ todowai kurug)

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 1:20

Icu zoz ci a̱lu̱gnye̱ zo̱ze̱ ci munyuny cik e̱e̱ggi̱n turgerem acinni i̱nna̱ a̱tte̱ cinanni a̱zzo̱ ko̱, ki kaal cik abilne tukulena ko̱: E̱e̱ggi̱n munyunya cik e̱e̱ggi̱n turgerem ko̱ anjilonya cik ke̱le̱ci̱a̱nya̱ cik een turgerem ko̱. Ovvo kaala cik e̱e̱ggi̱n turgerem abilne tukulena ko̱, e̱e̱ggi̱n ke̱le̱ci̱a̱nya̱ turgerem bu̱k.”

O̱no̱zzo̱k 11:7

Ming e̱de̱cca̱ nege uwai zoz ci Ta̱mu̱ta̱dde̱no̱, iyowa atin e̱le̱gi̱ti̱ ci mooti zaro a̱kku̱ lo̱o̱we̱ neci wu̱u̱ni̱ ke̱ kar atin kakat nogo, okko ommog nogo bak a̱ru̱k ka̱da̱i̱to̱.

O̱no̱zzo̱k 17:8

Imma e̱le̱gi̱ti̱ bali icinnu i̱nna̱ ke̱ aave ba̱li̱ye̱, i̱yo̱ko̱ iróng ngen aave to, okko atin iyowa lo̱o̱we̱ neci wu̱u̱ni̱ ke̱ ki̱ki̱ya̱ kiditai. Imma olli lo̱o̱tu̱ cik ngen zara cigge̱k keteherte buwe ci rugeto kanante ci lo̱o̱tu̱, ovvo atin a̱ku̱le̱k je̱e̱n ming ovvo acin e̱le̱gi̱t, eci aave arrak ba̱li̱ye̱, kar i̱yo̱ko̱ ki̱zzi̱ to, kar atin okko a̱kku̱.

O̱no̱zzo̱k 20:1

Kicina anjilo ci Ta̱mu̱ta̱dde̱no̱ ming aluccai ta̱mu̱-kenga. Anyak jooro cik oowe enne lo̱o̱k neci wu̱u̱ni̱ ke̱ kar zin kanyak a̱tta̱ diditac ci a̱ddi̱ki̱re̱.

O̱no̱zzo̱k 20:10

Imma lo̱rye̱nti̱ bali a̱lu̱t nogo ke̱, u̱ju̱ko̱zi̱k gwo̱o̱ ci apadpadi oroot, nginti a̱ju̱ko̱ni̱k e̱le̱gi̱ti̱ ki a̱ri̱to̱i̱t ci volongo. Apirna atin nege nginati tu̱p kaal udut.

O̱no̱zzo̱k 6:13

kar munyunya ta̱mu̱-kenga ki̱ta̱za̱k lo̱o̱c, kiwagon ming i̱i̱na̱k i̱ngi̱ro̱na̱ lo̱o̱c keeta ming omone ngooti ci a̱ppwe̱ keet neci.

O̱no̱zzo̱k 8:10

Utubu zin anjilo wa een i̱i̱yo̱ ko̱ ture cinne, kar zin munyunyoci ci a̱ddi̱ki̱re̱ alanyit kiwagon urezi ki̱tta̱ mer ta̱mu̱-kenga, ki̱ta̱k moren lo̱lo̱i̱t cikidik ki ngintik anyak ebere cik maamu.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 8:2

Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.

O̱no̱zzo̱k 9:2

Baling okko enne oo lo̱o̱k neci, iyowa bbu̱rre̱ti̱ ci ogon ki bbu̱rre̱ti̱ ci a̱ppwe̱ atuz nginti a̱ddi̱ki̱re̱. Izeto i̱i̱ ki ta̱mu̱-keng do̱o̱k gi̱da̱nge̱ ne ter zo̱ze̱ ci bbu̱rre̱t neci iyowa lo̱o̱we̱ neci wu̱u̱ni̱ ke̱.