O̱no̱zzo̱k 8:9 - Tennet

⁹ a̱da̱i̱to̱ zin kaala lo̱lo̱i̱t cikidik cik abak nyatapare ci a̱ddi̱ki̱re̱ ko̱, kar i̱be̱tta̱ uggak cikidik ki̱li̱bte̱.

O̱no̱zzo̱k 8:9 ပူးပေါင်းရင်းမြစ်များ

Lu̱ge̱z 7:21

A̱da̱i̱to̱ zin u̱lu̱ga̱ mora Naila, u̱mu̱we̱c zin maama cik moro neci, iróng zin olli Masiro ngen aud maam ne̱ke̱. Ize looci ci Masiro bi̱ye̱ do̱o̱k.

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 16:3

Uk zin anjilo ci een rama, u̱ddu̱te̱k uduc cinne nyatapar ci a̱ddi̱ki̱re̱, kar zin maama kutuhuye ki i̱yo̱ko̱ bi̱ye̱ta̱ cik e̱e̱t ci a̱da̱ha̱, kar kaala cik aruge do̱o̱k nyatapare ci a̱ddi̱ki̱re̱ ko̱ ka̱da̱i̱to̱.

O̱no̱zzo̱k 8:10

Utubu zin anjilo wa een i̱i̱yo̱ ko̱ ture cinne, kar zin munyunyoci ci a̱ddi̱ki̱re̱ alanyit kiwagon urezi ki̱tta̱ mer ta̱mu̱-kenga, ki̱ta̱k moren lo̱lo̱i̱t cikidik ki ngintik anyak ebere cik maamu.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.

O̱no̱zzo̱k 9:15

Kar anjilonya balik e̱e̱ggi̱n we̱c aavtte nginati ke̱, kereyo ju̱rru̱m kerec i̱i̱ cu ki i̱i̱te̱n ki nye̱lo̱k ki e̱rki̱t cu, koogtai abunna ming ovvo a̱ru̱k ol cik diirik lo̱lo̱i̱t cidici ka̱da̱i̱to̱.

O̱no̱zzo̱k 9:18

Ovvo ol lo̱lo̱i̱t cidici lo̱o̱ta̱ ngatu a̱ru̱we̱ ka̱da̱i̱to̱ zerenine cik e̱e̱ggi̱n i̱i̱yo̱ gwo̱o̱yo̱, bbu̱rre̱t ki bbu̱u̱r ci iyowa u̱tu̱ge̱tti̱ne̱ cigge̱k.