O̱no̱zzo̱k 8:8 - Tennet

⁸ Utubu zin anjilo wa een rama ko̱ ture cinne, kar zin anyak gi̱i̱ ci a̱ppwe̱ ogon kiwagon be ci atuze ele do̱o̱k, ku̱ju̱ko̱zi̱k nyatapar ci a̱ddi̱ki̱re̱. Utuhuye zin maama lo̱lo̱i̱t cidici kize bi̱ye̱,

O̱no̱zzo̱k 8:8 ပူးပေါင်းရင်းမြစ်များ

Marko 11:23

Ka̱du̱wa̱ki̱ zoz ci een de̱de̱, ming a̱nne̱k e̱e̱ti̱ imma bee necu ne, ‘Tinga, bit ju̱ke̱k ele nyatapar ci a̱ddi̱ki̱re̱,’ imma ngatu iróng anyak zi̱nze̱tti̱ rama, abarik elemi zoz ci a̱du̱wa̱ enne ko̱ okko akati mo̱o̱le̱t, ogonek atin Ta̱mu̱ta̱dde̱n nonno.

O̱no̱zzo̱k 11:6

Aanyik Ta̱mu̱ta̱dde̱n nogo komiz ci anyuge nege ta̱mu̱-keng kar ta̱mu̱ iróng aṯile i̱i̱te̱ne̱ ci uwahek nege ol zoz ci Ta̱mu̱ta̱dde̱no̱; anyak bo̱do̱k nege doiz ci uhu maam kizeto bi̱ye̱, kar kanyaktak lo̱o̱c zerenin cik aavtte do̱ do̱ ming orong nege.

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.

O̱no̱zzo̱k 9:15

Kar anjilonya balik e̱e̱ggi̱n we̱c aavtte nginati ke̱, kereyo ju̱rru̱m kerec i̱i̱ cu ki i̱i̱te̱n ki nye̱lo̱k ki e̱rki̱t cu, koogtai abunna ming ovvo a̱ru̱k ol cik diirik lo̱lo̱i̱t cidici ka̱da̱i̱to̱.

O̱no̱zzo̱k 9:18

Ovvo ol lo̱lo̱i̱t cidici lo̱o̱ta̱ ngatu a̱ru̱we̱ ka̱da̱i̱to̱ zerenine cik e̱e̱ggi̱n i̱i̱yo̱ gwo̱o̱yo̱, bbu̱rre̱t ki bbu̱u̱r ci iyowa u̱tu̱ge̱tti̱ne̱ cigge̱k.