O̱no̱zzo̱k 8:3 - Tennet

³ I̱ki̱ya̱ zin anjilo imma ci anyak gi̱i̱ ci a̱bbu̱ru̱ta̱ne̱ nege mutula i̱te̱la̱, kar ki̱ki̱ya̱ kibil i̱te̱la̱ oowa. Anyozik nonno mutula cik meelek ki̱ki̱ya̱ kumuce i̱te̱le̱, ki lawinet ci alawe olli Ta̱mu̱ta̱dde̱no̱ a̱li̱le̱, aave i̱te̱le̱ ci een dhahab ngati aave leceri.

O̱no̱zzo̱k 8:3 ပူးပေါင်းရင်းမြစ်များ

Lu̱ka̱ 1:10

Kar baling i̱ki̱ya̱ i̱i̱ ci okko enne a̱bbu̱rru̱ta̱ne̱ lotagong, ovvo ol wak ala Ta̱mu̱ta̱dde̱n ke̱ do̱o̱k aavtte reena.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 9:4

Anyak ngineci kaal ciko, i̱te̱le̱ ci abburutane olli wawaco lotagong ci adimanai zu̱rte̱nte̱ ci een dhahab, ki bo̱do̱k ce̱e̱ndu̱k ci olom bali reeni u̱du̱wa̱ Manyi adimanai zu̱rte̱nte̱ ci een dhahab, anyak ce̱e̱ndu̱we̱ neci í̱jjó̱ ci anyak da̱i̱ne̱t cik een maana balik a̱ju̱ka̱k Manyi olli Musesi balala ke̱, ki cool ci Aaroni alize ba̱a̱li̱n co̱de̱ kanyak o̱ya̱u̱, ki biyen rama cik zabalik eheronik lo̱ti̱nno̱wa̱ balik aanyik Ta̱mu̱ta̱dde̱n Muses een omoto ke̱, e̱e̱ggi̱n ne̱ko̱ olom bali reeni u̱du̱wa̱ Manyi.

O̱no̱zzo̱k 10:1

Kicina zin bo̱do̱k anjilo imma ci okkomi a̱kku̱ ta̱mu̱-kenga a̱kku̱nna̱k lo̱o̱c. A̱bu̱ng di̱i̱z ele cinne do̱o̱k ki mauli ci aave oowe cinne ta̱dde̱na̱, ogon ngu̱m cinne kiwagon i̱i̱, ovvo zoona alanyit kiwagon a̱ha̱tti̱ cik gwo̱o̱ya̱k.

O̱no̱zzo̱k 14:18

Iyowa anjilo imma ci anyak doiz ci gwo̱o̱yo̱ a̱kku̱ i̱te̱la̱ kar kegerenyek anjilo ci anyak cerecere ci lehedi ko̱ muluwe ci a̱ppwe̱, a̱nne̱k ne, “Dima cerecere cunne lehedi ko̱, kar luta o̱ya̱u̱ cik een vi̱no̱ alute keete ci atanak ma̱ne̱ ci lo̱o̱tu̱ ko̱, eci i̱bbi̱re̱to̱ o̱ya̱u̱ ne̱ke̱.”

O̱no̱zzo̱k 5:8

Kar baling a̱gga̱ma̱ enne waraga neci, a̱ka̱tte̱k zin kaala cik aruge e̱e̱ggi̱n we̱c ko̱ ki lo̱ddi̱ki̱re̱ moten rama ki we̱c do̱o̱k nonno u̱zu̱ngti̱nne̱. Anyak ngenngene gitar kar ka̱gga̱mi̱t bo̱do̱k uduce cik e̱e̱ggi̱n dhahab abbize lotagongi, e̱e̱ggi̱n ne̱ko̱ kaal cik alawe ol cik a̱li̱le̱ Ta̱mu̱ta̱dde̱n.

O̱no̱zzo̱k 6:9

Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.

O̱no̱zzo̱k 7:2

Kar anna kicin anjilo imma ci a̱kku̱ o̱to̱ne̱ ci je̱e̱ni̱, anyak baayenit ci Ta̱mu̱ta̱dde̱n wagon aruge ko̱ a̱tta̱. Utu zin enne anjilonya cik e̱e̱ggi̱n we̱c ko̱ muluwe ci a̱ppwe̱, e̱e̱ggi̱n nege anjilonya cik anyonike nogo doizi ci kar kegerezanit lo̱o̱c ki nyatapar ci a̱ddi̱ki̱re̱:

O̱no̱zzo̱k 8:4

Uk zin bbu̱rre̱ti̱ ci mutulau a̱tte̱ ci anjilo ki lawinet ci ol wak Ta̱mu̱ta̱dde̱no̱ a̱li̱le̱ rok nginti aave Ta̱mu̱ta̱dde̱n.

O̱no̱zzo̱k 8:5

Idima zin anjilo neci gi̱i̱ ci anyak mutula ko̱, kar zin kibbizitan gwo̱o̱ye̱ ci aave i̱te̱la̱, kar zin ku̱ju̱ke̱k lo̱o̱c; kar nginati kabad kiwagon borowoci, katalany kar looci kotomo kize ki̱ri̱ki̱ri̱k.

O̱no̱zzo̱k 9:13

Utubu zin bo̱do̱k anjilo wa een torkonom ko̱ ture cinne, kiziya zin anna muluk ci a̱kku̱ o̱to̱ne̱ cik e̱e̱ggi̱n we̱c i̱te̱le̱ ci een dhahab ngati Ta̱mu̱ta̱dde̱no̱.