O̱no̱zzo̱k 8:2 - Tennet

² Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.

O̱no̱zzo̱k 8:2 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Lu̱ka̱ 1:19

Abarizek zin anjilo nonno, “Ke̱e̱ni̱ anna Gaburel. Kabili anna ngati aave Ta̱mu̱ta̱dde̱n, i̱tto̱na̱i̱ anna kar ki̱ki̱ya̱ kozozein kar ku̱du̱wa̱ kaviyak cik abunna ko̱.

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

1 Te̱se̱lo̱ni̱ka̱ 4:16

Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 11:15

Utubu zin anjilo wa een turgerem annu gonoggi ko̱ ture cinne, anyak zin ba̱li̱ye̱ mulukwa cik oroi ta̱mu̱-kenga, azi ne, “Ize i̱yo̱ko̱ alaanzet ci lo̱o̱tu̱ ko̱ alaanzet ci Manyitinna ki Ki̱ri̱sto̱ wainne, kar atin enne kabal lo̱o̱c udut.”

O̱no̱zzo̱k 15:1

Kicina zin bo̱do̱k anna ta̱mu̱-kenga anyak baayenit imma ci a̱ddi̱ki̱re̱ oroot aanya ki̱vi̱re̱t bi̱ye̱ta̱: anjilonya turgerem anyaha zerenin turgerem cik vu̱rrta̱k, eci zo̱ze̱ necu uk zin mozinet ci Ta̱mu̱ta̱dde̱no̱ edeccai.

O̱no̱zzo̱k 16:1

Kiziya zin anna muluk ci a̱ppwe̱ ci iyowa Ce̱e̱ze̱ wa Ta̱mu̱ta̱dde̱no̱, a̱nne̱k anjilonya cik e̱e̱ggi̱n turgerem ko̱ ne, “O̱o̱tte̱ uduce ne̱k e̱e̱ggi̱n turgerem ko̱ kar u̱du̱tte̱k mozinet ci Ta̱mu̱ta̱dde̱no̱ olli lo̱o̱tu̱.”

O̱no̱zzo̱k 8:13

Kicina zin anna o̱no̱zo̱we̱, kiziya zin anna u̱du̱va̱ni̱t ci a̱ku̱l ta̱dde̱na̱ awe muluwe ci a̱ppwe̱, ize ne, “Izeto nonga o̱lle̱, izeto nonga o̱lle̱! Izeto nonga o̱lle̱ ngati olli lo̱o̱tu̱, eci ovvo anjilonya cik e̱e̱ggi̱n i̱i̱yo̱ ko̱ ovvo abu turet cigge̱k.”

O̱no̱zzo̱k 8:6

Kar zin anjilonya wak e̱e̱ggi̱n turgerem anyak turet turgerem ko̱ kidimanit kar atidic kutubuwet turet ne̱ke̱.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.