O̱no̱zzo̱k 8:13 - Tennet

¹³ Kicina zin anna o̱no̱zo̱we̱, kiziya zin anna u̱du̱va̱ni̱t ci a̱ku̱l ta̱dde̱na̱ awe muluwe ci a̱ppwe̱, ize ne, “Izeto nonga o̱lle̱, izeto nonga o̱lle̱! Izeto nonga o̱lle̱ ngati olli lo̱o̱tu̱, eci ovvo anjilonya cik e̱e̱ggi̱n i̱i̱yo̱ ko̱ ovvo abu turet cigge̱k.”

O̱no̱zzo̱k 8:13 ပူးပေါင်းရင်းမြစ်များ

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

O̱no̱zzo̱k 11:14

Ozoroc zin nonga wak een rama ko̱; okko zin nonga o̱lle̱ ci een i̱i̱yo̱ a̱kku̱ ataman.

O̱no̱zzo̱k 12:12

Ataltto zin niga ol cik abakku ta̱mu̱-kenga ko̱! Abarik o̱lle̱ nonga ngati nyatapar ci a̱ddi̱ki̱re̱ ki lo̱o̱c, eci u̱ju̱ko̱zi̱u̱ng lo̱rye̱nti̱ i̱ge̱t lo̱o̱ta̱! Omoze enne oroot, eci enne a̱gga̱ izeto idice nonno i̱i̱nya̱.”

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.

O̱no̱zzo̱k 19:17

Kar zin anna kedenya anjilo ci ta̱mu̱-kengo ming abile koora, kar zin kegerenyek iballi cik a̱ku̱l ta̱dde̱na̱ do̱o̱k muluwe ci a̱bu̱le̱, a̱nne̱k ne, “I̱vi̱ta̱, idongte do̱o̱k nga̱to̱de̱ ngati adahe da̱i̱ne̱t cik ja̱ti̱nu̱ Ta̱mu̱ta̱dde̱no̱,

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 8:2

Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.

O̱no̱zzo̱k 9:12

Ozoroc zin nonga cik o̱o̱tti̱nu̱; ovvo zin nonga cik e̱e̱ggi̱n rama ko̱ ovvo a̱vvu̱ atin vu̱rrta̱.