O̱no̱zzo̱k 8:10 - Tennet

¹⁰ Utubu zin anjilo wa een i̱i̱yo̱ ko̱ ture cinne, kar zin munyunyoci ci a̱ddi̱ki̱re̱ alanyit kiwagon urezi ki̱tta̱ mer ta̱mu̱-kenga, ki̱ta̱k moren lo̱lo̱i̱t cikidik ki ngintik anyak ebere cik maamu.

O̱no̱zzo̱k 8:10 ပူးပေါင်းရင်းမြစ်များ

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Ju̱da̱ 1:13

Imma kaala ne̱k gerzek ogon nege i̱yo̱ko̱ ko̱, atubo ki tawan ci maam wak gon apalpalan ngooti nyatapare ci a̱ddi̱ki̱re̱ ko̱, adima kaal cigge̱k gerzek arike ti̱ti̱m. Kar bo̱do̱k nege ogon ki i̱yo̱ko̱ munyunya wak owo, imma ngatu iróng aavtte nga̱to̱de̱, ovvo nege ngati mu̱hu̱ri̱ udut.

O̱no̱zzo̱k 1:20

Icu zoz ci a̱lu̱gnye̱ zo̱ze̱ ci munyuny cik e̱e̱ggi̱n turgerem acinni i̱nna̱ a̱tte̱ cinanni a̱zzo̱ ko̱, ki kaal cik abilne tukulena ko̱: E̱e̱ggi̱n munyunya cik e̱e̱ggi̱n turgerem ko̱ anjilonya cik ke̱le̱ci̱a̱nya̱ cik een turgerem ko̱. Ovvo kaala cik e̱e̱ggi̱n turgerem abilne tukulena ko̱, e̱e̱ggi̱n ke̱le̱ci̱a̱nya̱ turgerem bu̱k.”

O̱no̱zzo̱k 12:4

Okko ku̱u̱l cinne a̱vi̱la̱ munyuny lo̱lo̱i̱t cidici ta̱mu̱-kenga ku̱ju̱ke̱k lo̱o̱c. Ibil zin u̱ggu̱li̱ ngu̱me̱ ci ngaa ci orong kutuyai ko̱, kar atin enne kadak do̱le̱c ci ngaa neci ming okko a̱rri̱ta̱i̱.

O̱no̱zzo̱k 14:7

Egereny zin enne muluwe ci a̱ppwe̱ azi ne, “O̱to̱ngo̱o̱ltte̱ Ta̱mu̱ta̱dde̱n kar i̱di̱ngdi̱nga̱nni̱t nonno, eci i̱ki̱ya̱ i̱i̱te̱ni̱ ci okko enne ettedik ol lo̱ki̱ko̱. I̱di̱ngdi̱nga̱nni̱t nonno wa eenyca ta̱mu̱-keng ki lo̱o̱c, ki nyatapar ci a̱ddi̱ki̱re̱ ki moren wak erenane.”

O̱no̱zzo̱k 16:4

Uk zin anjilo ci een i̱i̱yo̱ u̱du̱tte̱k uduc cinne moren ki ngintik erenane maam, utuhuye zin maama do̱o̱k kizeto bi̱ye̱.

O̱no̱zzo̱k 6:13

kar munyunya ta̱mu̱-kenga ki̱ta̱za̱k lo̱o̱c, kiwagon ming i̱i̱na̱k i̱ngi̱ro̱na̱ lo̱o̱c keeta ming omone ngooti ci a̱ppwe̱ keet neci.

O̱no̱zzo̱k 8:7

Utubu zin anjilo ci een oo ture cinne, kar zin teltelena ki̱ta̱zzo̱ ta̱mu̱-kenga ki gwo̱o̱, ongotane ki bi̱ye̱. Utuze zin looci lo̱lo̱i̱t co̱de̱ cidici ngati e̱e̱ggi̱nne̱ i̱i̱yo̱, u̱tu̱zze̱ zin keena ki arte lo̱lo̱i̱t cikidik bu̱k.

O̱no̱zzo̱k 9:1

Utubu zin anjilo wa een tu̱r ko̱ ture cinne. Kedenya anna munyunyoc ming i̱i̱na̱ ta̱mu̱-kenga i̱i̱na̱k lo̱o̱c. Anyozik zin ba̱li̱ye̱ munyunyoc neci joroni ci oowe lo̱o̱k ci wu̱u̱ni̱ oroot ko̱.

O̱no̱zzo̱k 9:15

Kar anjilonya balik e̱e̱ggi̱n we̱c aavtte nginati ke̱, kereyo ju̱rru̱m kerec i̱i̱ cu ki i̱i̱te̱n ki nye̱lo̱k ki e̱rki̱t cu, koogtai abunna ming ovvo a̱ru̱k ol cik diirik lo̱lo̱i̱t cidici ka̱da̱i̱to̱.

O̱no̱zzo̱k 9:18

Ovvo ol lo̱lo̱i̱t cidici lo̱o̱ta̱ ngatu a̱ru̱we̱ ka̱da̱i̱to̱ zerenine cik e̱e̱ggi̱n i̱i̱yo̱ gwo̱o̱yo̱, bbu̱rre̱t ki bbu̱u̱r ci iyowa u̱tu̱ge̱tti̱ne̱ cigge̱k.