O̱no̱zzo̱k 7:4 - Tennet

⁴ Kar zin anna kizik nimira ci du̱cca̱k wak u̱ru̱kto̱zi̱k nogo a̱bi̱ce̱c o̱o̱tti̱, e̱e̱ggi̱n nege i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) booryowe cik olli Israilo do̱o̱k.

O̱no̱zzo̱k 7:4 ပူးပေါင်းရင်းမြစ်များ

Kananet 15:5

Uwe zin enne nonno reena kar kize ne, “Cin ta̱dde̱n ta̱mu̱-keng kar zin ikeb munyuny, ming wo̱ye̱ ikebi nogo de̱de̱.” Kar enne kizek nonno ne, “I̱yo̱ko̱ zin, ovvo atin dooli cigunnek e̱e̱ggi̱n niko.”

Ma̱te̱yo̱ 19:28

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming kuwa anna Ngerrti E̱e̱to̱ ka̱vvu̱ lecere cinanni ba̱a̱li̱nte̱ ci Ta̱mu̱ta̱dde̱no̱ di̱ngdi̱ngo̱nta̱, ovvo niga ol balik e̱e̱ggi̱nnu̱ to̱ni̱a̱k wagannik ko̱ bu̱k kaavtte ki annit lecerete cik een omoto ki rama, ettedekku atin lo̱ki̱ko̱ booryyok wak Israilo e̱e̱ggi̱n omoto ki rama ko̱.

Lu̱ka̱ 14:22

“U̱du̱wa̱k zin du̱ca̱i̱ti̱ ddi̱ki̱ryo̱i̱t cinne, ‘Ddi̱ki̱ryo̱i̱t, ku̱tu̱gu̱ zoz ci a̱du̱wa̱ i̱nna̱ ke̱, abarik ngen kanyak nginti a̱ppwe̱ dee.’

Lu̱ka̱ 22:30

kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.

Buk wa To̱ni̱a̱u̱ 26:7

Een necu zoz ci u̱du̱ya̱i̱ ere booryowa cik e̱e̱ggi̱n omoto ki rama, arike zi̱nze̱tti̱ cigge̱k abunna kaala ne̱ko̱ ming ogone ming a̱li̱ngli̱nge̱k nege Ta̱mu̱ta̱dde̱n wazin ki ba̱a̱li̱n. Oh alaan, eci zo̱ze̱ ci karikka naga zi̱nze̱tti̱ ko̱, adawana zin olli Ya̱u̱do̱ annita.

Roma 9:27

Icu zin zoz ci eher a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Isaya, obod ki olli Israilo, azi ne, “Ming nu̱nu̱n meele olli Israilo giir ku̱tu̱gu̱zzo̱ ki azac ci aave nyatapar ci a̱ddi̱ki̱re̱ ti̱ti̱ma̱, amuda atin ol cikidik ngatinne̱ng ti̱ri̱ze̱ne̱t ci Ta̱mu̱ta̱dde̱no̱.

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

O̱no̱zzo̱k 14:1

Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 7:5

E̱e̱ggi̱n ol boore ci Ju̱da̱ i̱bbo̱nge̱t omoto ki i̱bbo̱nge̱t rama (12,000), ovvo boore ci Rubeni e̱e̱ggi̱n ol i̱bbo̱nge̱t omoto ki i̱bbo̱nge̱t rama (12,000), ovvo boore ci Gadi e̱e̱ggi̱n ol i̱bbo̱nge̱t omoto ki i̱bbo̱nge̱t rama (12,000),

O̱no̱zzo̱k 9:16

Kiziya anna anyak nege aciir cik e̱e̱ggi̱n vucak obet rama (200,000,000) cik meelek giir.