O̱no̱zzo̱k 7:2 - Tennet

² Kar anna kicin anjilo imma ci a̱kku̱ o̱to̱ne̱ ci je̱e̱ni̱, anyak baayenit ci Ta̱mu̱ta̱dde̱n wagon aruge ko̱ a̱tta̱. Utu zin enne anjilonya cik e̱e̱ggi̱n we̱c ko̱ muluwe ci a̱ppwe̱, e̱e̱ggi̱n nege anjilonya cik anyonike nogo doizi ci kar kegerezanit lo̱o̱c ki nyatapar ci a̱ddi̱ki̱re̱:

O̱no̱zzo̱k 7:2 ပူးပေါင်းရင်းမြစ်များ

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

Evesos 1:13

Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

1 Te̱se̱lo̱ni̱ka̱ 1:9

U̱du̱ktta̱i̱t ol do̱o̱k gool bali a̱gga̱mnyu̱ niga nogo baling i̱tto̱zzo̱ nege orog cunno̱ng, kar zin bo̱do̱k utuburtu gool ci a̱tu̱yyu̱ to̱do̱yyo̱k kar alac Ta̱mu̱ta̱dde̱n wa aruge een de̱de̱,

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

I̱bu̱ru̱ 12:22

Imma ngatu, i̱vi̱ta̱u̱ niga bee ci een Zion, lo̱o̱c ci Ta̱mu̱ta̱dde̱no̱, Jerusalem ci aave ta̱mu̱-kenga, aavtte anjilonya cik e̱e̱ggi̱n i̱bbo̱nge̱t cik meelek giir, atalne oroot.

O̱no̱zzo̱k 1:3

A̱mu̱yu̱k atin Ta̱mu̱ta̱dde̱n e̱e̱t ci ikeb zoz ci Ta̱mu̱ta̱dde̱no̱ e̱he̱rye̱ buwe cu ko̱, a̱mu̱yu̱k atin bo̱do̱k Ta̱mu̱ta̱dde̱n ol cik aziye zoz necu kar zin kartik zi̱nze̱tti̱, ma̱rri̱t ize ojon wazini ci ovvo atin kaala ne̱ko̱ do̱o̱k ogone.

O̱no̱zzo̱k 10:1

Kicina zin bo̱do̱k anjilo imma ci okkomi a̱kku̱ ta̱mu̱-kenga a̱kku̱nna̱k lo̱o̱c. A̱bu̱ng di̱i̱z ele cinne do̱o̱k ki mauli ci aave oowe cinne ta̱dde̱na̱, ogon ngu̱m cinne kiwagon i̱i̱, ovvo zoona alanyit kiwagon a̱ha̱tti̱ cik gwo̱o̱ya̱k.

O̱no̱zzo̱k 10:4

Baling ovvo boroweta cik e̱e̱ggi̱n turgerem ko̱ ozoz, korongi zin anna kar keteher zoz cinne̱ng; abarik kiziya muluk ci a̱kku̱ ta̱mu̱-kenga ci a̱nne̱ka̱ ne, “Ma eheri zoz ci a̱du̱wa̱ boroweta cik e̱e̱ggi̱n turgerem ko̱, abarik lu̱gu̱ny zoz neci.”

O̱no̱zzo̱k 16:12

U̱ddu̱te̱k zin anjilo wa een torkonom ko̱ uduc cinne moro ci a̱ddi̱ki̱re̱ azi zar ne Yuvurataz, odoit zin maama ciginnek kar kidimanek gool alaat cik a̱vvu̱ o̱to̱ne̱ ci je̱e̱ni̱.

O̱no̱zzo̱k 5:2

Kar kicin anjilo ci a̱ddi̱ki̱re̱ Ta̱mu̱ta̱dde̱no̱ uwak muluwe ci a̱ppwe̱ azi ne, “Ngene ci wo̱ye̱ abunna kar ku̱du̱l mutulac kar koo waraga?”

O̱no̱zzo̱k 8:3

I̱ki̱ya̱ zin anjilo imma ci anyak gi̱i̱ ci a̱bbu̱ru̱ta̱ne̱ nege mutula i̱te̱la̱, kar ki̱ki̱ya̱ kibil i̱te̱la̱ oowa. Anyozik nonno mutula cik meelek ki̱ki̱ya̱ kumuce i̱te̱le̱, ki lawinet ci alawe olli Ta̱mu̱ta̱dde̱no̱ a̱li̱le̱, aave i̱te̱le̱ ci een dhahab ngati aave leceri.

O̱no̱zzo̱k 9:14

A̱nne̱k zin mului anjilo ci een torkonom ci abu ture ko̱ ne, “I̱nna̱, ooga anjilonya cik e̱e̱ggi̱n we̱c ecebonik liil ci Yuvurataz a̱ddi̱ki̱re̱ ko̱.”

O̱no̱zzo̱k 9:4

U̱du̱kta̱k zin giroc ne̱ke̱ gerza ming adak arte cik lo̱o̱tu̱, icima keen u̱gge̱ icima arte, abarik nege adak ol cik iróng anyak baayenit ci Ta̱mu̱ta̱dde̱no̱ ngu̱mtti̱nne̱ cigge̱k.