O̱no̱zzo̱k 7:13 - Tennet

¹³ I̱jji̱nna̱ zin e̱e̱ti̱ co̱de̱ lo̱ddi̱ki̱re̱i̱ ne̱ke̱, a̱nne̱ka̱ ne, “Iko ngene cik anyak ru̱u̱ma̱ni̱ cik voorik ko̱, a̱vvu̱ nege nga?”

O̱no̱zzo̱k 7:13 ပူးပေါင်းရင်းမြစ်များ

Kananet 16:8

Izek zin nonno ne, “Hagar du̱ca̱i̱t wa Sarai, a̱kku̱nni̱ nga, okko ki i̱ni̱n?” O̱bo̱de̱k zin Hagari nonno, a̱nne̱k ne, “Ka̱vi̱ri̱ ja anna ngati ddi̱ki̱ryo̱i̱t wananni Sarai.”

Kaviyak wak Abunna Ta̱mu̱ta̱dde̱no̱ eher Joni 7:28

Baling ngen Ye̱su̱ edemez ol reena Ce̱e̱ze̱ wa Ta̱mu̱ta̱dde̱no̱, egereny zin oroot, ize ne, “A̱gga̱yya̱ng de̱de̱, a̱gga̱yyu̱ nginti ka̱kku̱ne̱? Iróng anna ka̱kku̱ni̱ ngintu do̱ o̱o̱we̱ cinanni, ma̱i̱je̱ e̱e̱ti̱ ci i̱tto̱na̱na̱ a̱du̱wa̱ zoz ci een de̱de̱. Iróng zin niga a̱gga̱yyu̱ nonno.

Buk wa To̱ni̱a̱u̱ 3:12

Baling icin Peturu ol u̱tu̱gu̱zzo̱ niko, uwahek zin enne nogo zoz ci Ta̱mu̱ta̱dde̱no̱, azi ne, “Olli Israilo, nya ming a̱ku̱le̱kku̱ zoz necu ko̱? Nya ming acinnetu ki ci een agit cik kanyakka doiz icima ka̱gga̱yya̱ Ta̱mu̱ta̱dde̱n, kar kanyikka e̱e̱t necu koto ko̱?

O̱no̱zzo̱k 3:4

Anyakku niga ol cikidik Sardisa cik iróng ongonyek ru̱u̱ma̱ni̱ cigge̱k mu̱nye̱n. Ovvo atin nege owo ki annita ru̱u̱ma̱ni̱ne̱ cik voorik, eci nege e̱e̱ggi̱n ol cik abunna.

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 5:11

Imma o̱no̱zo̱we̱ kiziya mulukwa cik anjilonya cik meelek ming e̱be̱ne̱, e̱e̱ggi̱n i̱bbo̱nge̱t (1,000) cik meelek giir, i̱bbo̱nge̱t omoto (10,000) lak i̱bbo̱nge̱t omoto. Uburuwet nege lecer ci alaano ki kaal cik aruge e̱e̱ggi̱n we̱c ki lo̱ddi̱ki̱re̱.

O̱no̱zzo̱k 5:5

A̱nne̱ka̱ zin lo̱ddi̱ki̱ro̱ci̱ co̱de̱ lo̱ddi̱ki̱re̱i̱ ne̱ke̱ ne, “Jahe, ma a̱lu̱! Cin E̱e̱t ci akanonik zara cik een Maa ci Boor ci Ju̱da̱, biilet wa Da̱vi̱de̱ ming ommog kaal do̱o̱k. Uule enne kar ku̱du̱l mutula turgerem kar ku̱pu̱k waraga.”

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.