O̱no̱zzo̱k 6:9 - Tennet

⁹ Baling u̱du̱l enne mutulac ci een tu̱r ko̱, kicina i̱te̱le̱ lo̱o̱ta̱ vongizzok cik ol balik u̱ru̱kte̱ ke̱, eci a̱ru̱we̱ zo̱ze̱ ci Ta̱mu̱ta̱dde̱no̱ ki zoz ci ibbac nege.

O̱no̱zzo̱k 6:9 ပူးပေါင်းရင်းမြစ်များ

Kananet 4:10

I̱jji̱n zin Manyi nonno izek ne, “U̱tu̱gu̱ i̱nna̱ nya? Ziyo! A̱lu̱we̱ka̱ annit bi̱ye̱ta̱ cik gotononnu balik ibborak i̱nna̱ lo̱o̱c ke̱.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

2 Ko̱ri̱nto̱ 5:8

Ki i̱yo̱ko̱ ming ka̱du̱wa̱ ko̱, karikka naga zi̱nze̱tti̱ Ta̱mu̱ta̱dde̱n, korongnyya ko̱do̱tte̱yya̱ e̱le̱tti̱ cik kabahe naga i̱yo̱ko̱ ko̱ lo̱o̱c, kar ka̱vvu̱tta̱ ki Manyi ce̱e̱za̱, ta̱mu̱-kenga.

Vilipia 1:23

Abarik odoi kar katahala. Korongi ka̱da̱k kar ka̱vvu̱ta̱ ki Ki̱ri̱sto̱, eci go̱o̱le̱ necu abunna oroot.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 4:6

Imma i̱yo̱ko̱, i̱ki̱ya̱ i̱i̱te̱ni̱ ci ovvo ol otodongnya kize wawac. I̱ki̱ya̱ i̱i̱te̱ni̱ ci kungneke baiz cu lo̱o̱c, kokko ta̱mu̱-kenga.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

O̱no̱zzo̱k 1:2

u̱du̱wa̱ Joni kaal cik icin enne do̱o̱k, zoz ci Ta̱mu̱ta̱dde̱no̱ ki zoz ci obod ki Ye̱su̱ Ki̱ri̱sto̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 14:18

Iyowa anjilo imma ci anyak doiz ci gwo̱o̱yo̱ a̱kku̱ i̱te̱la̱ kar kegerenyek anjilo ci anyak cerecere ci lehedi ko̱ muluwe ci a̱ppwe̱, a̱nne̱k ne, “Dima cerecere cunne lehedi ko̱, kar luta o̱ya̱u̱ cik een vi̱no̱ alute keete ci atanak ma̱ne̱ ci lo̱o̱tu̱ ko̱, eci i̱bbi̱re̱to̱ o̱ya̱u̱ ne̱ke̱.”

O̱no̱zzo̱k 16:7

Kar zin anna kizik muluk ci iyowa i̱te̱la̱ ming abariz zoz neci: “I̱i̱ny, Manyi, Ta̱mu̱ta̱dde̱n ci anyak Komiz do̱o̱k, een lo̱ki̱ko̱ cunne de̱de̱, ettedi i̱nna̱ zoz ju̱rru̱m.”

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 20:4

Kedenya anna leceret cik aavtte ol cik anyonik komizi kar kettedit lo̱ki̱ko̱. Kar anna kicin vongizzok cik ol balik u̱ru̱kte̱ zo̱ze̱ ci edemze nege zoz ci Ye̱su̱ kar bo̱do̱k uwahek ol zoz ci Ta̱mu̱ta̱dde̱no̱. Iróng nege ba̱li̱ye̱ a̱di̱ngdi̱nga̱n e̱le̱gi̱t icima ri̱ri̱to̱n cinne, iróng bo̱do̱k nege anyak baayenit ci aave ngu̱mtti̱nne̱ icima azzine. I̱vi̱tta̱k nege ruget kar kabalit lo̱o̱c ki Ki̱ri̱sto̱ e̱rki̱nya̱ i̱bbo̱ng co̱de̱ (1,000).

O̱no̱zzo̱k 8:3

I̱ki̱ya̱ zin anjilo imma ci anyak gi̱i̱ ci a̱bbu̱ru̱ta̱ne̱ nege mutula i̱te̱la̱, kar ki̱ki̱ya̱ kibil i̱te̱la̱ oowa. Anyozik nonno mutula cik meelek ki̱ki̱ya̱ kumuce i̱te̱le̱, ki lawinet ci alawe olli Ta̱mu̱ta̱dde̱no̱ a̱li̱le̱, aave i̱te̱le̱ ci een dhahab ngati aave leceri.

O̱no̱zzo̱k 9:13

Utubu zin bo̱do̱k anjilo wa een torkonom ko̱ ture cinne, kiziya zin anna muluk ci a̱kku̱ o̱to̱ne̱ cik e̱e̱ggi̱n we̱c i̱te̱le̱ ci een dhahab ngati Ta̱mu̱ta̱dde̱no̱.