O̱no̱zzo̱k 6:6 - Tennet

⁶ Kar zin anna kizik gi̱i̱ ci oroi kiwagon mului ci kaal cik e̱e̱ggi̱n we̱c aruge orgene cinne̱ng, azi ne, “Anyik uduc ci labinu kize ci a̱li̱ngli̱nge̱ e̱e̱ti̱ i̱i̱te̱n co̱de̱, kar uduce i̱i̱yo̱ cik laziyenu kizeto cik a̱li̱ngli̱nge̱ e̱e̱ti̱ i̱i̱te̱n co̱de̱, kar zin, ma egerzannu maal ki merte!”

O̱no̱zzo̱k 6:6 ပူးပေါင်းရင်းမြစ်များ

Ma̱te̱yo̱ 24:7

Ooro atin ol lo̱o̱co̱we̱, kar bo̱do̱k alaanzet cu ooro ki alaanzet ci. I̱i̱na̱k atin lo̱o̱c magizzowa ki ki̱rki̱ri̱k o̱ro̱gjo̱k cik aavtte do̱ do̱.

O̱no̱zzo̱k 4:6

Okko bo̱do̱k lecer oowa, anyak gilac ci ataltali ogon ki nyatapari ci a̱ddi̱ki̱re̱. Imma orgene ci lecero, anyak kaal cik aruge e̱e̱ggi̱n we̱c aburuk lecer ne riu, anyak ebere cik meelek giir ele do̱o̱k, ngu̱ma̱ ki bo̱i̱ca̱.

O̱no̱zzo̱k 4:8

Ovvo kaala ne̱k e̱e̱ggi̱n we̱c aruge ko̱, anyak ngenngene ṯaabani torkonom, anyak bo̱do̱k ebere ṯaabete do̱o̱k rok ecito. E̱be̱ne̱ nege wazin ki ba̱a̱li̱n kaal azi ne: “A̱li̱le̱, a̱li̱le̱, a̱li̱le̱ nonno ci een Manyi Ta̱mu̱ta̱dde̱n ci anyak Komiz do̱o̱k, wa bali aave, kar i̱yo̱ko̱, kar atin okko a̱kku̱.”

O̱no̱zzo̱k 7:3

“Ma egerzannu lo̱o̱c icima nyatapar ci a̱ddi̱ki̱re̱, icima keen, zee kartiya naga a̱bi̱ce̱c o̱o̱tti̱ cik du̱cca̱k cik Ta̱mu̱ta̱dde̱n cinna.”

O̱no̱zzo̱k 9:4

U̱du̱kta̱k zin giroc ne̱ke̱ gerza ming adak arte cik lo̱o̱tu̱, icima keen u̱gge̱ icima arte, abarik nege adak ol cik iróng anyak baayenit ci Ta̱mu̱ta̱dde̱no̱ ngu̱mtti̱nne̱ cigge̱k.