O̱no̱zzo̱k 6:16 - Tennet

¹⁶ A̱nne̱k zin nege biyen cik a̱ddi̱ki̱re̱ ki jo̱o̱re̱t ne, “Itazak e̱le̱tti̱ cigga̱k kar u̱lu̱gu̱nyce̱tu̱ ngati E̱e̱t wa aave lecera ko̱ kar bo̱do̱k ngati mozinet ci Nyoono!

O̱no̱zzo̱k 6:16 ပူးပေါင်းရင်းမြစ်များ

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Lu̱ka̱ 23:30

Kar zin “‘a̱nne̱k atin nege jo̱o̱re̱t ne, “Muunyet agita!” Kar zi̱i̱ryo̱k, “Bunget agita!”’

O̱no̱zzo̱k 10:6

Kar zin ki̱tto̱n zar cik Ta̱mu̱ta̱dde̱n wa aruge udut, wa bali eteehenya ta̱mu̱-keng ki kaal wak aavtte nginati do̱o̱k, eenyca lo̱o̱c ki kaal ne̱k aavtte nginati ke̱ do̱o̱k, eenyca nyatapar ci a̱ddi̱ki̱re̱ ki kaal ne̱k abak nginati ke̱ do̱o̱k. Ize zin ne, “Iróng atin ngen erewinnu u̱u̱mu̱c!

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.

O̱no̱zzo̱k 4:2

Ataman niko i̱ki̱ya̱ Vongizi ci Ta̱mu̱ta̱dde̱no̱ kar kuwuya o̱no̱zo̱we̱, bak kacinni ngu̱me̱ cinanni ta̱mu̱-kenga lecer ci alaano kar E̱e̱ti̱ ka̱vvu̱ lecere neci.

O̱no̱zzo̱k 4:5

Iyowa a̱ha̱tti̱ ci gwo̱o̱yo̱ lecere ci alaanzetu ko̱, abadi kiwagon borowoci. Imma ngati aave leceri ko̱, anyak tukulen cik e̱e̱ggi̱n turgerem alanyiti. E̱e̱ggi̱n ne̱ke̱ vongizzok turgerem cik Ta̱mu̱ta̱dde̱no̱.

O̱no̱zzo̱k 4:9

Gon ming ovvo kaala ne̱k aruge e̱e̱ggi̱n we̱c ko̱ ovvo aanyik di̱ngdi̱ngo̱n, bak o̱ngo̱o̱le̱ kar kanycik zany E̱e̱t ci aave lecere ci alaanzetinu ko̱, nonno ci abak udut,

O̱no̱zzo̱k 5:1

Kicina a̱tte̱ ci a̱zzo̱ ngati E̱e̱t ci aave lecere ci alaano ko̱ waraga ci e̱he̱rye̱ abanyo do̱o̱k, anyume amadonik mutulaci lak turgerem.

O̱no̱zzo̱k 6:10

U̱tu̱ye̱ zin nege muluwe ci a̱ppwe̱, azi ne, “Manyi ci a̱li̱le̱ de̱de̱, rok atinga ci okko i̱nna̱ edezi olli lo̱o̱tu̱ kar caca bi̱ye̱ cigga̱k?”

O̱no̱zzo̱k 9:6

Imma i̱i̱nya̱we̱ ne̱ke̱, ovvo ol cik diirik orong daiz, abarik iróng nege amuda; orongit ka̱da̱i̱to̱, ma̱i̱je̱ daizi atin abure nogo.