O̱no̱zzo̱k 6:12 - Tennet

¹² Kicina anna ming u̱du̱l enne mutulac ci een torkonom. Anyak zin ki̱rki̱ri̱k ci a̱ppwe̱ oroot. Utuhuwe i̱i̱ ize gi̱da̱ng u̱tu̱gu̱ kiwagon zolomonti, utuhuwe zin nyelowi kize ma̱ri̱k kiwagon bi̱ye̱ta̱,

O̱no̱zzo̱k 6:12 ပူးပေါင်းရင်းမြစ်များ

Ma̱te̱yo̱ 11:21

“O̱lle̱ cuggo̱k olli Ya̱u̱do̱ o̱rge̱ ci een Korazin ki Betsaida. Ming ogone kaala balik a̱vu̱la̱ o̱rge̱ cunno̱ng ke̱ kize orog ci Tyre ki Sidon wak iróng een Ya̱u̱d, utungtek weda nege ba̱ci̱nno̱k lo̱o̱c kar ki̱ti̱me̱t aburkece, ki̱ye̱lta̱ ming a̱tu̱ nege Ta̱mu̱ta̱dde̱n.

Ma̱te̱yo̱ 24:29

“Bo̱do̱k ataman niko vu̱rrte̱ ci i̱i̱nya̱ ne̱k piryenzeta ke̱, “‘Ukce atin i̱i̱ kize gi̱da̱ng, kar bo̱do̱k nyelowi bu̱k iróng alanyiti; i̱i̱na̱k atin munyunya lo̱o̱c, kar kaala cik eel ta̱mu̱-kenga omoti veelek.’

Ma̱te̱yo̱ 24:7

Ooro atin ol lo̱o̱co̱we̱, kar bo̱do̱k alaanzet cu ooro ki alaanzet ci. I̱i̱na̱k atin lo̱o̱c magizzowa ki ki̱rki̱ri̱k o̱ro̱gjo̱k cik aavtte do̱ do̱.

Ma̱te̱yo̱ 27:45

Ize looci mu̱hu̱ra̱ baling okko i̱i̱ aave orgena, ki̱gi̱nge̱ yo̱mo̱na̱.

Ma̱te̱yo̱ 27:54

Baling icin ddi̱ki̱ryo̱i̱ti̱ ci aciiru ki aciir balik ebek Ye̱su̱ ko̱ ki̱rki̱ri̱k ki kaal ne̱k ogone ke̱ do̱o̱k, o̱to̱ngo̱o̱ltte̱ nege lo̱o̱c oroot, kar kizeto ne, “Een ette enne de̱de̱ Ngerrti Ta̱mu̱ta̱dde̱no̱.”

Ma̱te̱yo̱ 28:2

Ataman niko otomowe ki̱rki̱ryi̱ lo̱o̱c, ulucak zin anjilo ci Manyi ta̱mu̱-kenga lo̱o̱c. Iyot zin bee bali anyuge ol ilomi ci Ye̱su̱ ke̱ kar ka̱vvu̱ biye neci.

Marko 15:33

Baling ize wazin keng, ize looci ne ri̱ta̱k ki̱ri̱ri̱, kuzuca koor i̱i̱yo̱.

O̱no̱zzo̱k 11:13

Imma i̱i̱te̱ne̱ neci ele anyak looci ki̱rki̱ri̱k kar ce̱e̱zi̱ cik orog ci a̱ddi̱ki̱re̱ ko̱ lo̱lo̱i̱t cidici ku̱yu̱kte̱. U̱ru̱kte̱ ol cik e̱e̱ggi̱n i̱bbo̱nge̱t turgerem (7,000) ki̱ri̱ki̱ri̱ye̱ neci. Kar ol wak anyigzai aruge ko̱ ka̱bba̱ri̱te̱t ki̱di̱ngdi̱nga̱ni̱t Ta̱mu̱ta̱dde̱n ci aave ta̱mu̱-kenga.

O̱no̱zzo̱k 16:18

Abad zin borowoci ku̱ju̱l, kar kanyaha ki̱ri̱ki̱ri̱k ci a̱ppwe̱ oroot. I̱llo̱i̱ ki̱ri̱ki̱ri̱k imma ci ogon ki i̱yo̱ko̱ udut nginti aave e̱e̱ti̱ ci diiri lo̱o̱ta̱ ngatu, ki̱ri̱ki̱ri̱k ci da̱ a̱ppwe̱ oroot neci.

O̱no̱zzo̱k 16:8

U̱ddu̱te̱k zin anjilo wa een we̱c ko̱ uduc cinne i̱i̱. Anyozik zin i̱i̱ komizi kar kovvoc ol ka̱bu̱r kiwagon gwa̱a̱.

O̱no̱zzo̱k 8:12

Utubu zin bo̱do̱k anjilo wa een we̱c ko̱ ture cinne. Ovoce zin i̱i̱ abanyit cidici, okko bo̱do̱k abanyit cidici nye̱lo̱wo̱ ovoce ki munyuny bu̱k, utuhuye zin abanyo cikidik ngatinne̱ng do̱o̱k izeto gi̱da̱nge̱. A̱vvu̱ zin lo̱lo̱i̱ti̱ cidici kize mu̱hu̱r ki̱zzi̱ tukuleci, okko zin bo̱do̱k ba̱a̱li̱ni̱ anyak lo̱lo̱i̱t cidici ci a̱zze̱ne̱ tukuleci.

O̱no̱zzo̱k 8:5

Idima zin anjilo neci gi̱i̱ ci anyak mutula ko̱, kar zin kibbizitan gwo̱o̱ye̱ ci aave i̱te̱la̱, kar zin ku̱ju̱ke̱k lo̱o̱c; kar nginati kabad kiwagon borowoci, katalany kar looci kotomo kize ki̱ri̱ki̱ri̱k.