O̱no̱zzo̱k 6:11 - Tennet

¹¹ Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.

O̱no̱zzo̱k 6:11 ပူးပေါင်းရင်းမြစ်များ

Ma̱te̱yo̱ 10:21

“Ovvo atin ol ogon kaal ciko: Adawa atin e̱e̱ti̱ gotoni, okko be̱e̱ti̱ do̱le̱co̱ adawa do̱le̱c cinne; ovvo dooli abure ti̱lo̱wi̱ne̱t ci be̱e̱ti̱nne̱ng ki e̱e̱ti̱nne̱ng, kar ku̱ru̱we̱t nogo ka̱da̱i̱to̱.

Lu̱ka̱ 15:22

“Ma̱i̱je̱ baatinne izek du̱cca̱k waginnek ne, ‘Itingaz ataman! Oot anyaktta ru̱u̱m ci een jor, kar kuburuc ngeranni. I̱ti̱mte̱k nonno zu̱rte̱ni̱t va̱lla̱i̱t, kar zin bo̱do̱k i̱ti̱mte̱k nonno caava zo̱o̱.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

I̱bu̱ru̱ 11:40

Anyak Ta̱mu̱ta̱dde̱n gi̱i̱ ci abunna oroot zinine cinne ci orong kaanyyet agit do̱o̱k, abunna kazuca nginti A̱li̱le̱ ta̱mu̱-kenga ki ol ne̱ke̱ do̱o̱k nga̱to̱de̱.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 4:10

Ming amuda ol mediz ci i̱i̱te̱n ci yu̱bze̱nto̱ eci nege amuda yu̱bze̱ne̱t gi̱i̱ye̱ ci ogon nege, ki i̱yo̱ko̱ bali edeca Ta̱mu̱ta̱dde̱n li̱ngli̱ngo̱n ci eenycane ta̱mu̱-keng ki lo̱o̱c ke̱ kar ki̱ye̱be̱z.

O̱no̱zzo̱k 10:6

Kar zin ki̱tto̱n zar cik Ta̱mu̱ta̱dde̱n wa aruge udut, wa bali eteehenya ta̱mu̱-keng ki kaal wak aavtte nginati do̱o̱k, eenyca lo̱o̱c ki kaal ne̱k aavtte nginati ke̱ do̱o̱k, eenyca nyatapar ci a̱ddi̱ki̱re̱ ki kaal ne̱k abak nginati ke̱ do̱o̱k. Ize zin ne, “Iróng atin ngen erewinnu u̱u̱mu̱c!

O̱no̱zzo̱k 13:15

Anyozik ba̱li̱ye̱ nonno komizi ci kar enne kutubuwek ngoot ri̱ri̱to̱n ci e̱le̱gi̱t bali een oo ke̱ bak ovongi, abunna ming ozozi kar kaanyik ol wak iróng orong ki̱di̱ngdi̱nga̱ni̱t e̱le̱gi̱t ko̱ ku̱ru̱kte̱ ka̱da̱i̱to̱.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 17:6

Kicina anna ngaa neci ming ibbak bi̱ye̱ta̱ cik ol cik a̱li̱le̱ Ta̱mu̱ta̱dde̱no̱, ol wak ozoz zoz ci Ye̱su̱. Baling kicina anna nonno, ku̱ku̱le̱ya̱ anna je̱e̱n oroot.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.