O̱no̱zzo̱k 6:10 - Tennet

¹⁰ U̱tu̱ye̱ zin nege muluwe ci a̱ppwe̱, azi ne, “Manyi ci a̱li̱le̱ de̱de̱, rok atinga ci okko i̱nna̱ edezi olli lo̱o̱tu̱ kar caca bi̱ye̱ cigga̱k?”

O̱no̱zzo̱k 6:10 ပူးပေါင်းရင်းမြစ်များ

Kananet 4:10

I̱jji̱n zin Manyi nonno izek ne, “U̱tu̱gu̱ i̱nna̱ nya? Ziyo! A̱lu̱we̱ka̱ annit bi̱ye̱ta̱ cik gotononnu balik ibborak i̱nna̱ lo̱o̱c ke̱.

Lu̱ka̱ 2:29

“Manyi ci een Alaan ci a̱ddi̱ki̱re̱, ki baling u̱du̱wa̱ i̱nna̱ ke̱, anyik zin i̱yo̱ko̱ du̱ca̱i̱t cunne kuk labak ngato ji̱jí̱.

Lu̱ka̱ 21:22

Eci e̱e̱ggi̱n ne̱ko̱ i̱i̱nya̱ cik edeze Ta̱mu̱ta̱dde̱n ol zo̱ze̱ bali e̱he̱rye̱ la̱du̱n.

Roma 12:19

Gonogga wak zinino, ma acacannu gi̱i̱ ci gerze ogoniki e̱e̱ti̱ imma, abarik tungek Ta̱mu̱ta̱dde̱n kedez e̱e̱t neci, eci e̱he̱rye̱ Warage ci Ta̱mu̱ta̱dde̱no̱, azi Manyi ne, “Kacaca atin anna kaal cik gerzek ogonekku̱ng ol i̱ge̱ta̱.”

I̱bu̱ru̱ 12:24

I̱vi̱ta̱u̱ niga Ye̱su̱ ta̱mu̱-kenga, wa een zoc ci olom ci een jor, ki bali aanyik Ye̱su̱ ele cinne kize wawac, kar bi̱ye̱ta̱ ciginnek kanyakta zoz ci kalalek naga ol, een necu olom ci een jor, ommog necu bi̱ye̱ cik Abeli orong caac.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

O̱no̱zzo̱k 11:18

O̱mo̱zze̱ ol lo̱o̱co̱we̱ do̱o̱k; abarik i̱yo̱ko̱ i̱ki̱ya̱ mozinet cunne. I̱ki̱ya̱ i̱i̱te̱ni̱ ci ettedonik lo̱ki̱ko̱ ol balik a̱da̱i̱to̱, ki mucenet du̱cca̱k cigunnek ki a̱ri̱tto̱k cik zoz ci Ta̱mu̱ta̱dde̱no̱ ki ol cigunnek a̱li̱le̱ ki ol wak o̱ngo̱o̱le̱ zar cigunnek, ol cikidik ki ol wak a̱ddi̱ki̱re̱, kar atin Ta̱mu̱ta̱dde̱n kedez ol cik egerzanit lo̱o̱c.”

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 18:24

Umudai zin o̱rge̱ ci a̱ddi̱ki̱re̱ een Babilon bi̱ye̱ta̱ cik a̱ri̱tto̱k cik zoz ci Ta̱mu̱ta̱dde̱no̱ ki ol ciginnek, ki ol balik u̱ru̱kte̱ lo̱o̱ta̱ ngatu do̱o̱k.”

O̱no̱zzo̱k 19:2

eci te̱di̱ne̱t lo̱ki̱ko̱ cinne een zoz ci abunna kar bo̱do̱k kize de̱de̱. Edez enne ngaa ci een a̱li̱ya̱i̱t wa a̱ddi̱ki̱re̱ bali egerzan lo̱o̱c a̱li̱ya̱kze̱te̱ cinne. Acaca zin Ta̱mu̱ta̱dde̱n ngatinne bi̱ye̱ cik du̱cca̱k ciginnek balik a̱ru̱we̱ ke̱.”

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.