O̱no̱zzo̱k 5:9 - Tennet

⁹ Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.

O̱no̱zzo̱k 5:9 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 26:28

eci e̱e̱ggi̱n ne̱ko̱ bi̱ye̱ cigannik olomo ci Ta̱mu̱ta̱dde̱no̱ ki ol ciginnek. A̱vvu̱ bi̱ye̱ta̱ ne̱ko̱ abunna aara ol cik meelek mu̱nye̱n.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ko̱ri̱nto̱ 6:20

Utuwaung bali Ta̱mu̱ta̱dde̱n i̱ge̱t daize ci Ye̱su̱ Ki̱ri̱sto̱. Abunna zin niga ming a̱di̱ngdi̱nga̱nnu̱ Ta̱mu̱ta̱dde̱n e̱le̱tti̱ne̱ cuggo̱k.

1 Ko̱ri̱nto̱ 7:23

Utuwaung bali Ta̱mu̱ta̱dde̱n i̱ge̱t bi̱ye̱te̱ cik Ye̱su̱; iróng ngen e̱e̱ggi̱nnu̱ du̱cca̱k cik ol cik diirik.

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 5:19

Ming urumteu niga nga̱to̱de̱, e̱be̱nni̱t be̱ni̱nno̱k wak e̱he̱rye̱ warage ci Caliwono ki be̱ni̱nno̱k cik olli Manyi inatu nonno zi̱nze̱tti̱nne̱ cuggo̱k.

Kolosiya 1:14

nonno ci a̱da̱i̱ zo̱ze̱ ci mu̱nye̱n cigga̱c kar kaanyyet kabait labak.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 11:14

Imma ol cik ozoz niko ko̱, orong nege orog cinne̱ng ci aave do̱.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 2:2

Ogon enne ki wawaci mu̱nye̱ne̱ cigga̱c. Iróng een wawac cinna do̱, abarik nonno ci een wawac ci olli lo̱o̱tu̱ do̱o̱k.

O̱no̱zzo̱k 10:11

U̱du̱wa̱ zin enne annit zoz cu: “Abunna ming uwahek ol bo̱do̱k dee zoz ci a̱lu̱ngnye̱ ko̱, ol cik meelek ki i̱do̱ngi̱ lo̱o̱co̱we̱, ki u̱tu̱ge̱tti̱ cik aavtte do̱ do̱ ki alaat.”

O̱no̱zzo̱k 11:9

Ovvo ol do̱o̱k icima booryyok icima ol cik ozoz u̱tu̱ge̱tti̱ cik aavtte do̱ do̱ ki lo̱o̱cco̱k cik aavtte do̱ do̱ egelem e̱le̱tti̱ cigge̱k kar kutuburret ngati adawe.

O̱no̱zzo̱k 13:7

Anyozik nonno doizi ci kar koore ol cik Ta̱mu̱ta̱dde̱no̱ a̱li̱le̱, kar ka̱gga̱m nogo. Anyozik nonno komizi ci abale ol cik lo̱o̱tu̱ do̱o̱k ki wak anyak u̱tu̱ge̱tti̱ cik aavtte do̱ do̱.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 17:15

A̱nne̱ka̱ zin annit anjilo ne, “Ovvo maama cik meelek icinnu i̱nna̱ ko̱, nginti aave ngaa ci een a̱li̱ya̱i̱t ko̱, e̱e̱ggi̱n nege ol cik meelek giir, ki lo̱o̱cco̱k ki u̱tu̱ge̱tti̱ cik ozoz nege aavtte do̱ do̱.

O̱no̱zzo̱k 4:11

“Elenonu i̱nna̱ ki di̱ngdi̱nga̱ni̱ne̱t Manyitinna Ta̱mu̱ta̱dde̱n, kar ruba di̱ngdi̱ngo̱n ki inatinet ki doiz, eci i̱nna̱ eteehenya kaal do̱o̱k, kar zin zo̱ze̱ cunne keteehenycai kaala do̱o̱k kar zin ka̱vvu̱to̱ to do̱o̱k.”

O̱no̱zzo̱k 5:12

Ebento zin nege mulukwane cik a̱bu̱le̱, azi lo̱ng ne, “Agano Nyoon bali otongde ke̱, abunna kar enne kumuda komiz ki kaal kize jaitot ki genyiz ki doiz ki ngo̱li̱ne̱t ci o̱ngo̱o̱li̱nne̱ ol nonno ki di̱ngdi̱ngo̱n ki inatinet!”

O̱no̱zzo̱k 5:6

Kicina zin anna Nyoon ci abile lecera orgena, aburuk kaala cik aruge e̱e̱ggi̱n we̱c ki lo̱ddi̱ki̱re̱. Anyak enne o̱to̱ turgerem ki ebere turgerem, e̱e̱ggi̱n ne̱ko̱ vongizzok cik Ta̱mu̱ta̱dde̱no̱ e̱e̱ggi̱n turgerem i̱tto̱na̱k enne lo̱o̱c.