O̱no̱zzo̱k 5:5 - Tennet

⁵ A̱nne̱ka̱ zin lo̱ddi̱ki̱ro̱ci̱ co̱de̱ lo̱ddi̱ki̱re̱i̱ ne̱ke̱ ne, “Jahe, ma a̱lu̱! Cin E̱e̱t ci akanonik zara cik een Maa ci Boor ci Ju̱da̱, biilet wa Da̱vi̱de̱ ming ommog kaal do̱o̱k. Uule enne kar ku̱du̱l mutula turgerem kar ku̱pu̱k waraga.”

O̱no̱zzo̱k 5:5 ပူးပေါင်းရင်းမြစ်များ

Lu̱ka̱ 23:28

Ukce Ye̱su̱ kar kizek nogo ne, “Buuwecci cik Jerusalemo, ma a̱lu̱ya̱ng annita; u̱tu̱lu̱z e̱le̱tti̱ ciggo̱k ki dooli ciggo̱k.

Lu̱ka̱ 7:13

Baling icin Manyi ngaa ci boye ko̱, i̱ta̱k zinin cinne nonno kar kize ne, “Ma a̱lu̱!”

Lu̱ka̱ 8:52

Kar arrak do̱yo̱i̱t niko, a̱lu̱we̱k ol do̱o̱k nonno. Ize Ye̱su̱ ne, “Ibilte u̱lu̱wa̱, ngen enne ka̱da̱k abarik adunge.”

Kaviyak wak Abunna Ta̱mu̱ta̱dde̱no̱ eher Joni 20:13

I̱jji̱nne̱t zin nege Ma̱ri̱ya̱ izettek ne, “Ngaa cu, a̱lu̱ nya?” O̱bo̱de̱k Ma̱ri̱ya̱ nogo izek ne, “O̱o̱tte̱ ol uggak Manyi wananni, iróng zin anna bu̱k ka̱gga̱ oot aartik i̱ni̱n.”

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 15:12

Eher bo̱do̱k a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Isaya, azi ne, “Ingazi atin Egeroci ci e̱e̱t ci een Jesse, kar ki̱ki̱ya̱ kize alaan ci abal lo̱o̱cco̱k do̱o̱k; kar atin ol cik iróng een Ya̱u̱d do̱o̱k kartik zi̱nze̱tti̱ nonno.”

I̱bu̱ru̱ 7:14

Ka̱gga̱ naga ju̱rru̱m a̱kku̱ Manyi Ye̱su̱ boore co e̱e̱t ci een zara Ju̱da̱, ngen zin Musesi kidima ol wak wawaco imma boore neci.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”

O̱no̱zzo̱k 3:21

Imma ngati e̱e̱t ci anime no̱ngi̱tto̱n, kovvo atin anna ki nonno kaavtiya lecere cinanni, ogon ki baling kinima anna no̱ngi̱tto̱n kar ka̱vvu̱ta̱ ki Baba lecere cinne.

O̱no̱zzo̱k 4:10

ovvo lo̱ddi̱ki̱re̱ cik e̱e̱ggi̱n moten rama ki we̱c ko̱ akannek u̱zu̱ngti̱nne̱ ngati E̱e̱t ci aave lecera ko̱, kar ki̱di̱ngdi̱nga̱ni̱t nonno wa aruge udut ko̱. Arike nege lulukwa cigge̱k lecer ci alaanzetinu lo̱o̱ta̱ kar kizeto ne,

O̱no̱zzo̱k 4:4

Anyak bo̱do̱k lecere cik e̱e̱ggi̱n moten rama ki we̱c cik aburuk lecer ci alaano, aavtte lo̱ddi̱ki̱re̱ cik e̱e̱ggi̱n moten rama ki we̱c. Aim nege ru̱u̱ma̱ni̱ cik voorik ki lulukwa cik alaatu adimanai zu̱rte̱nte̱ ci een dhahab o̱o̱tti̱ne̱.

O̱no̱zzo̱k 5:4

Ku̱tu̱lu̱ zin anna oroot ma̱rri̱t ming a̱zze̱ e̱e̱ti̱ imma ci a̱pu̱k waraga icima kar kicin ecito.

O̱no̱zzo̱k 6:1

Kicina anna Joni ming a̱du̱l Nyoon mutulac ci een oo mutulai wak e̱e̱ggi̱n turgerem a̱gga̱m waraga ko̱. Kar kizik kaal cik aruge e̱e̱ggi̱n we̱c ko̱ co̱de̱ ngatinne̱ng ming ozoz muluwanine cik a̱ppi̱nte̱k a̱ju̱l kiwagon borowoci, azi ne, “I̱jja̱!”

O̱no̱zzo̱k 7:13

I̱jji̱nna̱ zin e̱e̱ti̱ co̱de̱ lo̱ddi̱ki̱re̱i̱ ne̱ke̱, a̱nne̱ka̱ ne, “Iko ngene cik anyak ru̱u̱ma̱ni̱ cik voorik ko̱, a̱vvu̱ nege nga?”